Top 50 Asian Celebrities - 10 இடங்களில் வந்த ஒரே ஒரு தமிழ் நடிகர்..! யார்'னு நீங்களே பாருங்க..!!
Karthick
in பிரபலங்கள்
டாப் 50 ஆசியா பிரபலங்களின் பட்டியல் தான் தற்போது இணையத்தில் வைரலாகி வருகிறது.
Top 10
2023-ஆம் ஆண்டு நிறைவடைந்து 2024-ஆம் ஆண்டு துவங்க இருப்பதால் இந்த ஆண்டின் சிறந்த நடிகர்கள், நடிகைகள், சிறந்த படங்கள் என ஒவ்வொன்றும் வெளியாகி அதிகளவில் பகிரப்பட்டு வருகிறது.
இதில், தற்போது மற்றொரு பட்டியல் வெளியாகி பெரும் வைரலாகியுள்ளது. பிரபல லண்டன் வார இதழான Eastern Eye 2023ம் ஆண்டுக்கான ஆசிய பிரபலங்களின் பட்டியல் வெளியிட்டப்பட்டுள்ளது. அப்பட்டியலில் பாலிவுட் சூப்பர்ஸ்டார் ஷாருக்கான் முதலிடம் பிடித்துள்ளார். ஷாருக்கானின் நடிப்பில் இந்தாண்டு பதான், ஜவான் போன்ற படங்கள் 1000 கோடி வசூலை தாண்டிய நிலையில், வரும் 22-ஆம் தேதி ராஜ்குமார் ஹிரானி இயக்கத்தில் "டுங்கி" என்ற படமும் ஷாருக் கானின் நடிப்பில் வெளியாகிவுள்ளது குறிப்பிடத்தக்கது.
தொடர்ந்து இரண்டாம் இடத்தை பாலிவுட் நடிகை ஆலியா பட் பிடித்துள்ளார். இந்தியாவின் முன்னணி நடிகைகளில் ஒருவராக இருக்கும் ஆலியா பட்டிற்கு இந்தியா மட்டுமின்றி வெளிநாட்டு ரசிகர்களையும் அதிகளவு கவர்ந்துள்ளார்.
அவரைதொடர்ந்து நடிகை பிரியங்கா சோப்ரா மூன்றாவது இடத்தில் உள்ளார். இந்த ஆண்டு பிரியங்கா சோப்ரா நடிப்பில் Citadel மற்றும் Love Again போன்ற படங்கள் வெளியாகின என்பது குறிப்பிடத்தக்கது.
ஒரே தமிழ் நடிகர்
இந்த பட்டியலில் பஞ்சாபி நடிகர் தில்ஜித் தோசன்ஜ்(Diljit Dosanjh) 4-வது இடத்திலும், பிரபல பாடகி சார்லி XCX 5வது இடத்திலும், பாலிவுட் நடிகர் ரன்பீர் கபூர் 6வது இடத்திலும், பாடகி ஷ்ரேயா கோஷல் 7வது இடத்திலும் உள்ளனர். இந்த பட்டியலில் முதல் 10 இடங்களில் இடம்பெற்றுள்ள ஒரே தமிழ் நடிகர் விஜய் மட்டுமே.
அவர் 8வது இடத்தில் உள்ளார். இந்த ஆண்டில் மிகவும் தேடப்பட்ட படங்களில் ஒன்றாக இருந்த லியோ படத்தின் மூலம் பெரிதாக பேசப்பட்ட விஜய் ஆசிய அளவில் பிரபலமான நடிகராக உள்ளார்.
அடுத்ததாக 9வது இடத்தில் பாகிஸ்தான் நடிகர் வஹாஜ் அலி 9வது இடத்திலும், தி மார்வல்ஸ் படத்தில் நடித்த இமான் வெள்ளனி 10வது இடத்திலும் உள்ளனர். இவர்களை தவிர ஆசியாவில் பிரபலமானவர்களின் பட்டியலில் அமிதாப் பச்சன், தெலுங்கு நடிகர் ஜூனியர் என்.டி,ஆர், தீபிகா படுகோனே உள்ளிட்ட இந்திய பிரபலங்கள் இடம்பெற்றுள்ளனர்.
