12-ம் வகுப்பு பொதுத்தேர்வு எழுதும் மாணவர்களுக்கு த.வெ.க தலைவர் விஜய் வாழ்த்து!
12-ம் வகுப்பு பொதுத்தேர்வு எழுதும் மாணவ-மாணவிகளுக்கு தமிழக வெற்றிக் கழக தலைவர் விஜய் வாழ்த்து தெரிவித்துள்ளார்.
பொதுத்தேர்வு
தமிழகம் மற்றும் புதுச்சேரியில் இன்று 12-ம் வகுப்பு பொதுத்தேர்வு தொடங்கியது. தமிழ்நாடு முழுவதும் 3302 மையங்களில் 7.72 லட்சம் மாணாக்கர்கள் தேர்வு எழுதுகின்றனர்.
புதுச்சேரி மற்றும் காரைக்காலில் 40 மையங்களில் 14 ஆயிரத்து 688 மாணவர்கள் தேர்வு எழுதுகின்றனர். ஒவ்வொரு தேர்வுக்கும் 3 முதல் 4 நாட்கள் இடைவெளிவிட்டு வருகிற 22-ம் தேதி வரை 12-ம் வகுப்பு மாணவ-மாணவிகளுக்கு தேர்வு நடத்தப்பட உள்ளது.
விஜய் வாழ்த்து
இந்நிலையில் 12-ம் வகுப்பு பொதுத்தேர்வு எழுதும் மாணவ-மாணவிகளுக்கு தமிழக வெற்றிக் கழக தலைவர் விஜய் வாழ்த்து தெரிவித்துள்ளார்.
இதுதொடர்பாக அவர் வெளியிட்டுள்ள வாழ்த்து செய்தியில் "இன்றிலிருந்து 12-ஆம் வகுப்புப் பொதுத்தேர்வு எழுதும் என் அன்புத் தம்பி, தங்கைகள் அனைவரும் அனைத்துத் தேர்வுகளையும் உற்சாகத்துடன் எதிர்கொண்டு வெற்றி பெற்று, விரும்பிய துறைகளில் உச்சம் தொட வாழ்த்துகிறேன்" என்று தெரிவித்துள்ளார்.
