முதலமைச்சர் மு.க.ஸ்டாலினுக்கு 71 வது பிறந்தநாள் - பல்வேறு கட்சி தலைவர்கள் வாழ்த்து!
முதல்வர் மு.க. ஸ்டாலின் இன்று தனது 71 வது பிறந்த நாளை கொண்டாடுகிறார்.
மு.க.ஸ்டாலின்
தனது 71 - வது பிறந்தநாளை தமிழ்நாடு முதலமைச்சர் மு.க.ஸ்டாலின் இன்று விமர்சையாக கொண்டாடி வருகிறார்.
இந்நிலையில், தனது பிறந்தநாளையொட்டி சென்னை மெரினா கடற்கரையில் அமைந்துள்ள முன்னால் முதலமைச்சர்கள் அண்ணா மற்றும் கருணாநிதி ஆகியோரின் நினைவிடங்களில் முதல்வர் ஸ்டாலின் மரியாதை செலுத்தினார்.
பின்னர், சென்னை எழும்பூரில் உள்ள பெரியார் நினைவிடத்தில் மரியாதை செலுத்தினார்.
தலைவர்கள் வாழ்த்து
அவருக்கு கட்சி நிர்வாகிகள், தொண்டர்கள்,பொதுமக்கள் மற்றும் பல்வேறு அரசியல் கட்சி தலைவர்கள் என பலரும் வாழ்த்து தெரிவித்து வருகின்றனர்.
தவெக தலைவர் விஜய், மாண்புமிகு தமிழ்நாடு முதலமைச்சர் திரு. முதல்வர் ஸ்டாலின் அவர்களுக்கு என் இனிய பிறந்த நாள் வாழ்த்துகளை தெரிவித்துக்கொள்கிறேன் என்று குறிப்பிட்டுள்ளார்.
தமிழக பாஜக மாநில தலைவர் அண்ணாமலை தனது சமூகவலைத்தள பக்கத்தில், தமிழக முதலமைச்சர் திரு மு.க ஸ்டாலின் அவர்களுக்கு, இனிய பிறந்தநாள் வாழ்த்துக்களைத் தெரிவித்துக் கொள்கிறேன். திரு மு.க ஸ்டாலின் அவர்கள், நல்ல உடல்நலத்துடன், நீண்ட ஆயுளுடன் மக்கள் பணி தொடர இறைவனை வேண்டிக் கொள்கிறேன் என்று குறிப்பிட்டுள்ளார்.
மேலும், பிரதமர் நரேந்திர மோடியும் பிறந்தநாள் வாழ்த்துக்களை தெரிவித்துள்ளார். தொடர்ந்து, தொலைபேசி மூலம் மு.க.ஸ்டாலினை தொடர்பு கொண்டு நடிகர் ரஜினிகாந்த் பிறந்தநாள் வாழ்த்து தெரிவித்தார்.
அதேபோல் பாமக தலைவர் அன்புமணி ராமதாஸ், நல்ல உடல் நலத்துடன் அவரது பொதுவாழ்வு தொடர வாழ்த்துகிறேன் என்று கூறியுள்ளார்.
டிசம்பர் மாதத்தில் இருந்து 2025 முழுக்க கஷ்டங்களுக்கு முடிவு கட்டப்போகும் ராசிகள் உங்க ராசி என்ன? Manithan
