100க்கும் மேற்பட்ட வெளிநாட்டினருக்கு மரண தண்டனை விதித்த நாடு - எத்தனை இந்தியர்கள்?
100க்கும் மேற்பட்ட வெளிநாட்டினருக்கு மரண தண்டனை நிறைவேற்றியுள்ளதாக தகவல் வெளியாகியுள்ளது.
மரண தண்டனை
சவுதி அரேபியாவில், 2024ல் இதுவரை 101 வெளிநாட்டவர்களுக்கு மரண தண்டனை நிறைவேற்றப்பட்டுள்ளது.
கடந்த 2023 மற்றும் 2022 ஆம் ஆண்டுகளை ஒப்பிடுகையில் இது மூன்று மடங்கு அதிகரித்துள்ளது. 2024ல் இதுவரை மொத்தமாக 274 பேருக்கு மரண தண்டனையை நிறைவேற்றியுள்ளது.
நாடுகள் கலக்கம்
பாகிஸ்தானைச் சேர்ந்த 21 பேர், ஏமனில் இருந்து 20 பேர், சிரியாவில் இருந்து 14 பேர், நைஜீரியாவில் இருந்து 10 பேர், எகிப்தில் இருந்து 9 பேர், ஜோர்டானில் இருந்து 8 பேர் மற்றும்
எத்தியோப்பியாவைச் சேர்ந்த 7 பேர், சூடான், இந்தியா மற்றும் ஆப்கானிஸ்தானில் இருந்து தலா 3 பேர், இலங்கை, எரித்திரியா மற்றும் பிலிப்பைன்ஸில் இருந்து தலா ஒருவர் அடங்குவர்.
குறிப்பாக, போதைப் பொருள் தொடர்பான குற்றங்களுக்கான மரணதண்டனைகள் இந்த ஆண்டு எண்ணிக்கையை அதிகரித்துள்ளன. இந்த தகவல் சர்வதேச நாடுகளை கவலையடையச் செய்துள்ளது.
