விராட் கோலி விளாசிய 49வது சதம் - படையப்பா ஸ்டைலில் வாழ்த்து தெரிவித்த சச்சின்!

49வது சதம் விளாசி தனது சாதனையை சமன் செய்த விராட் கோலிக்கு வாழ்த்து தெரிவித்துள்ளார் சச்சின் டெண்டுல்கர்.

விராட் கோலி சாதனை

உலகக் கோப்பை கிரிக்கெட் தொடர் 2023 இந்தியாவில் நடைபெற்று வருகிறது. இதில் நேற்று நடைபெற்ற இந்தியா-தென்னாப்பிரிக்க இடையேயான போட்டியில் 243 ரன்கள் வித்தியாசத்தில் இந்தியா அபார வெற்றி பெற்றது.

இதுவரை ஆடிய 8 போட்டிகளிலும் வெற்றியை பதிவு செய்த இந்திய அணி புள்ளி பட்டியலில் முதலிடத்தில் உள்ளது. இதை விட சிறப்பு என்னவென்றால் நேற்றைய போட்டியில் நட்சத்திர வீரர் விராட் கோலி 121 பந்துகளில் 101 ரன்கள் விளாசி ஒருநாள் போட்டியில் தனது 49வது சதத்தை பதிவு செய்து சாதனை படைத்துள்ளார்.

இந்த சதத்தின் மூலம் ஒருநாள் போட்டிகளில் அதிக சதங்கள் அடித்துள்ள இந்திய அணியின் முன்னாள் வீரர் சச்சின் டெண்டுல்கரின் சாதனையை விராட் கோலி சமன் செய்துள்ளார். இந்நிலையில் சதம் விளாசி தனது சாதனையை சமன் செய்துள்ள விராட் கோலிக்கு சச்சின் வேடிக்கையான முறையில் வாழ்த்து தெரிவித்துள்ளார்.

நானும் 'தோனியும்' நண்பர்கள் இல்லை..! யுவராஜ் சிங் பேச்சால் அதிர்ச்சியில் ரசிகர்கள்!

சச்சின் வாழ்த்து

இது தொடர்பாக அவர் தனது எக்ஸ் தளத்தில் பதிவிட்டுள்ளதாவது "சிறப்பாக விளையாடினீர்கள்‌ விராட்‌. இந்த ஆண்டின்‌ தொடக்கத்தில்‌ நான்‌ 49லிருந்து 50க்கு செல்ல (49 வயதிலிருந்து 50 வயதுக்கு) 365 நாள்கள்‌ எடுத்துக்‌ கொண்டது.

அடுத்த சில நாட்களிலேயே 49வது சதத்திலிருந்து 50வது சதத்தை விளாசி எனது சாதனையை முறியடிப்பீர்கள்‌ என நம்புகிறேன்‌. வாழ்த்துகள்‌! என குறிப்பிட்டுள்ளார். இதனை பார்த்த இணையவாசிகள், படையப்பா படத்தின் ஒரு காட்சியில் தாயார் ரஜினியிடம் கூறும் "படையப்பா ரொம்ப நேரம் எடுத்துக்காத, சீக்கிரம் முடிச்சிடு" என்ற வசனத்துடன் ஒப்பிட்டு பதிவிட்டு வருகின்றனர்.

Well played Virat.
It took me 365 days to go from 49 to 50 earlier this year. I hope you go from 49 to 50 and break my record in the next few days.
Congratulations!!#INDvSA pic.twitter.com/PVe4iXfGFk

— Sachin Tendulkar (@sachin_rt) November 5, 2023