நானும் 'தோனியும்' நண்பர்கள் இல்லை..! யுவராஜ் சிங் பேச்சால் அதிர்ச்சியில் ரசிகர்கள்!

நானும் தோனியும் நெருங்கிய நண்பர்கள் இல்லை, நாங்கள் கிரிக்கெட் காரணமாக நண்பர்களாக இருந்தோம் என்று யுவராஜ் சிங் பேசியுள்ளார்.

தோனி-யுவராஜ்

இந்திய கிரிக்கெட் அணியின் ஜாம்பவான்களாக இருந்தவர்கள் மகேந்திர சிங் தோனி மற்றும் யுவராஜ் சிங். இருவரும் ஒன்றாக இனைந்து இந்திய அணிக்கு பெற்றுத் தந்த வெற்றிகள் ஏராளம்.

மேலும், கடந்த 2011ம் ஆண்டு உலகக்கோப்பைக்கு வெற்றிக்கு இருவரும் முக்கிய பங்காற்றியுள்ளனர். அப்போது கேப்டனாக இருந்தவர் தோனி. அதே தொடரில் சிறந்த வீரராகத் தேர்ந்தெடுக்கப்பட்டவர் யுவராஜ். இருவரும் சர்வதேச கிரிக்கெட்டில் இருந்து ஓய்வு பெற்றிருந்தாலும், இந்தியாவின் மிகச்சிறந்த மிடில்-ஆர்டர் பேட்டர்களாக இருவரும் திகழ்ந்தவர்கள்.

இந்நிலையில் அண்மையில் நடந்த உரையாடல் ஒன்றில் பேசிய யுவராஜ் "நானும் மஹியும் (தோனியும் ) நெருங்கிய நண்பர்கள் இல்லை, நாங்கள் கிரிக்கெட் காரணமாக நண்பர்களாக இருந்தோம், ஒன்றாக விளையாடினோம்.

பிடிக்காத முடிவுகளை எடுத்தார்

மஹியின் வாழ்க்கை முறை எனக்கு மிகவும் வித்தியாசமானது, அதனால் நாங்கள் நெருங்கிய நண்பர்கள் இல்லை, நாங்கள் கிரிக்கெட்டினால் மட்டுமே நண்பர்கள். நானும் மஹியும் சென்றபோது மைதானத்தில், 100%க்கு மேல் நம் நாட்டுக்காக கொடுத்தோம்.

நான் துணை கேப்டனாக இருக்கும்போது சில நேரங்களில் அவர் எனக்குப் பிடிக்காத முடிவுகளை எடுத்தார், சில சமயங்களில் அவருக்குப் பிடிக்காத முடிவுகளை நான் எடுத்தேன். எல்லா அணிகளிலும் அதுதான் நடக்கும். ஒரே அணியில் உள்ள வீரர்கள் சிறந்த நண்பர்களாக இருக்க வேண்டிய அவசியமில்லை, ஆனால் களத்திலும் அணிக்காகவும் சிறந்ததை வழங்குவதே முக்கியம்.

ஒவ்வொருவருக்கும் வித்தியாசமான வாழ்க்கை முறை, திறமைகள் உள்ளன. குறிப்பிட்ட நபர்கள் குறிப்பிட்ட நபர்களுடன் பழகுவார்கள், நீங்கள் அனைவருடனும் சிறந்த நண்பர்களாக இருக்க வேண்டிய அவசியமில்லை. நாங்கள் சந்திக்கும் போது நண்பர்களாக மட்டுமே சந்திப்போம்" என்று பேசியுள்ளார் யுவராஜ் சிங்.