லாட்ஜில் 5 வாலிபர்களுடன் சிக்கிய கேரள மாடல் அழகி - அறையை திறந்ததும் அதிர்ந்த போலீசார்!
லாட்ஜில் தங்கியிருந்த கேரள மாடல் அழகி உள்பட 6 பேரை போலீசார் அதிரடியாக கைது செய்தனர்.
போதைப்பொருள்
கேரள மாநிலம் கொச்சி அருகே கருகப்பள்ளி பகுதியில் உள்ள ஒரு லாட்ஜில் போதைப்பொருள் கடத்தல் கும்பல் பதுங்கியிருப்பதாக எலமகரா போலீசாருக்கு ரகசிய தகவல் கிடைத்தது. உடனடியாக தனிப்படை போலீசார் அந்த லாட்ஜிற்கு சென்று சோதனை நடத்தினர்.
அதில், கொக்கைன், மெத் மற்றும் கஞ்சா ஆகியவற்றை போலீசார் பறிமுதல் செய்தனர். அந்த அறையில் தங்கியிருந்த கேரள மாடல் அழகியான அல்கா போனி (22), எம்.சி.சூரஜ் (26), ரஞ்சித்(24), முகமது அசார் (18), ஐ.ஜி அதுல் (18) ஆகிய 6 போரையும் போலீசார் கைது செய்தனர்.
போலீசார் விசாரணை
எலமகரா போலீசார் சோதனைக்காக வந்தபோது அவர்கள் அனைவரும் போதையில் இருந்தனர். இவர்களிடம் நடத்தப்பட்ட விசாரணையில், பெங்களூருவில் இருந்து போதைப் பொருள்களை கொண்டு வந்து விற்பனை செய்ததும்,
போதைப்பொருள் வியாபாரிகளின் விவரங்களையும் போலீசார் கண்டுபிடித்தனர். மேலும், போதைப் பொருட்களை கொண்டு வந்து கேரளாவில் விற்பனை செய்ததில் வேறு யாருக்கு எல்லாம் தொடர்பு இருக்கிறது என்பது குறித்தும் அவர்களிடம் போலீசார் விசாரித்து வருகின்றனர்.
