சில நொடிதான்; விமானம் கிளம்புவதற்கு முன் தீப்பிடித்த விமானம் - 176 பேர் கதி என்ன?
176 பயணிகள் கொண்ட விமானம் தீப்பிடித்ததால் பெரும் பதற்றம் ஏற்பட்டது.
தீப்பிடித்த விமானம்
தென் கொரியா, கிம்ஹே விமான நிலையத்தில் இருந்து பயணிகள் விமானம் ஒன்று ஹாங்காங்கிற்கு புறப்பட தயாராக இருந்தது. அதில் 169 பயணிகள் மற்றும் 7 பணியாளர்கள் என மொத்தம் 176 பேர் இருந்தனர்.
ஆனால், புறப்படுவதற்கு சற்று நிமிடத்திற்கு முன்பு, விமானம் தீப்பிடித்தது. உடனே மீட்பு பணிகள் துரிதப்படுத்தப்பட்டு பயணிகள், ஊழியர்கள் என அனைவரும் அவசரகால எஸ்கேப் ஸ்லைடு மூலமாக பத்திரமாக வெளியேற்றப்பட்டனர்.
176 பேர் நிலை?
அப்போது 3 பயணிகளுக்கு காயம் ஏற்பட்டது. சில நொடிகளுக்கு முன் சுதாரித்துக் கொண்டதால் எந்த உயிரிழப்பும் இன்றி பத்திரமாக மீட்கப்பட்டனர். தொடர்ந்து தீ விபத்திற்கான காரணம் குறித்து விசாரணை நடந்து வருகிறது.
முன்னதாக டிசம்பரில் தென் கொரியாவின் முவான் விமான நிலையத்தில் பயணிகள் விமானம் தரையிறங்கியபோது லேண்டிங் கியர் வேலை செய்யாததால் விமானம் கான்கிரீட் சுவற்றில் மோதி தீப்பிடித்தது. அந்த விபத்தில் 179 பேர் உயிரிழந்தது குறிப்பிடத்தக்கது.
