இந்திய வீரர்கள் யாரையும் சேர்க்க மாட்டேன் - மறைமுகமாக மோதிய பேட் கம்மின்ஸ்!
Sumathi
in கிரிக்கெட்
ஆஸ்திரேலிய அணியில் வீரர் சேர்ப்பு குறித்து பேட் கம்மின்ஸ் அளித்துள்ள பதில் கவனம் பெற்றுள்ளது.
பேட் கம்மின்ஸ்
பார்டர் கவாஸ்கர் டிராபிக்கான விளம்பரப் பணி தீவிரமாக நடந்து வருகிறது. இந்நிலையில், ஆஸ்திரேலியா அணியின் பேட் கம்மின்ஸ், நேதன் லயன், டிராவிஸ் ஹெட், போலாண்ட்
மற்றும் மிட்சல் மார்ஷ் ஆகியோரிடம், ஒரேயொரு இந்திய வீரரை ஆஸ்திரேலியா அணியில் சேர்க்க வேண்டும் என்றால், எந்த வீரரை தேர்வு செய்வீர்கள் என்ற கேள்வி எழுப்பப்பட்டது.
பதிலால் ஷாக்
அதற்கு டிராவிஸ் ஹெட், ரோஹித் சர்மாவை தான் தேர்வு செய்வேன். அவரின் பேட்டிங் ஸ்டைல் கூடுதல் அதிரடியாக இருக்கிறது என்றார். போலாண்ட் பேசுகையில், நிச்சயமாக ஜஸ்பிரிட் பும்ராவை தான் தேர்வு செய்வேன். 3 வகையான கிரிக்கெட்டிலும் அசத்தி வருகிறார் என்றார்.
பின் மிட்சல் மார்ஷ் பேசுகையில், ரிஷப் பண்ட் தான். நம்பர் 5ல் விளையாடுவதோடு இளம் வீரராக இருக்கிறார் என்று கூறியுள்ளார். நேதன் லயன் பேசுகையில், நான் நிச்சயம் விராட் கோலியை தேர்வு செய்வேன் என்றார்.
இறுதியாக பேட் கம்மின்ஸ் பேசுகையில், யாரையும் தேர்வு செய்ய மாட்டேன் என்று கூறியுள்ளார். இவரது இந்த பதில் இந்திய ரசிகர்களிடையே விமர்சனத்தை பெற்றுள்ளது.
