விற்பனையாகும் விராட் கோலியின் பேட் - விலை எவ்வளவு தெரியுமா?
Sumathi
in கிரிக்கெட்
கோலியின் பேட் விற்பனை செய்யப்படுவதாக வெளியான வீடியோ வைரலாகி வருகிறது.
கோலியின் பேட்
இந்தியா - ஆஸ்திரேலியா அணிகள் மோதும் பார்டர் கவாஸ்கர் தொடரின் முதலாவது போட்டி நவ.22 ஆம் தேதி பெர்த் மைதானத்தில் நடைபெறவுள்ளது.
சில ஆண்டுகளாக விராட் கோலி டெஸ்ட் போட்டிகளில் சொதப்பியிருந்தாலும், ஆஸ்திரேலியாவில் கோலியின் சராசரி 50 ரன்களுக்கும் அதிகமாக உள்ளது. இந்த கம்பேக்கை பார்க்க ரசிகர்கள் ஆவலாக உள்ளனர்.
வைரல் வீடியோ
இந்நிலையில், ஆஸ்திரேலியாவில் உள்ள கிரேக் சேப்பல் கிரிக்கெட் உபகரணங்கள் விற்கும் மையத்தில் கோலியின் கிரிக்கெட் பேட்டுக்கு 2985 ஆஸ்திரேலிய டாலர்கள் விலை நிர்ணயம் செய்யப்பட்டுள்ளது. இதன் மதிப்பு இந்திய விலையில் ரூ.1.65 லட்சம்.
அந்த பேட்டில் கோலியின் கையொப்பமும் இடப்பட்டுள்ளது. விராட் கோலி கடந்த 2 ஆண்டுகளில் இரண்டு சதங்கள் மட்டுமே அடித்துள்ளார்.
இதுவரை ஆஸ்திரேலியாவுக்கு எதிராக 13 போட்டிகளில் விளையாடியுள்ள விராட் கோலி, 25 இன்னிங்ஸில் 6 சதங்கள், 4 அரைசதங்கள் உள்பட 1,352 ரன்கள் குவித்துள்ளார் என்பது குறிப்பிடத்தக்கது.
