பாண்டிங் செய்த செயல்; வெறி கொண்ட கோலி - ஷேன் லீ எச்சரிக்கை!

கோலி வெறிகொண்டு ஆடுவார் என்று ஷேன் லீ தெரிவித்துள்ளார்.

பாண்டிங் விமர்சனம் 

இந்தியா மற்றும் ஆஸ்திரேலியா அணிகள் 5 போட்டிகள் கொண்ட டெஸ்ட் தொடரில் விளையாட உள்ளன. இதற்கிடையில் விராட் கோலி டெஸ்ட் போட்டிகளில் மோசமான ஃபார்மில் உள்ளார்.

சமீபத்தில் நடந்த நியூசிலாந்து அணிக்கு எதிரான டெஸ்ட் தொடரில் 6 இன்னிங்ஸ்களில் 93 ரன்கள் மட்டுமே எடுத்தார். இதுகுறித்து பேட்டி ஒன்றில் பேசியிருந்த ரிக்கி பாண்டிங், ஐந்து ஆண்டுகளில் இரண்டு சதங்கள் மட்டுமே அடித்து இருக்கும் விராட் கோலி,

வேறு அணியில் இருந்தால் நிச்சயம் நீக்கப்பட்டு இருப்பார் என தெரிவித்திருந்தார். இந்நிலையில், இதுகுறித்து பேசியுள்ள ஷேன் லீ, ”ரிக்கி பாண்டிங் செய்தது மோசமான ஒரு நகர்வு.என்ன செய்து இருக்கிறீர்கள் பாண்டிங்?

ஆர்சிபி அணியின் அடுத்த கேப்டன் கோலி இல்லை - யார் தெரியுமா?

ஷேன் லீ கருத்து

நீங்கள் விராட் கோலியை வெறி கொள்ள வைக்கப் போகிறீர்கள். அவர் உலகத் தரம் வாய்ந்த வீரர். அவர் நிச்சயம் ஆஸ்திரேலியாவில் வெறி கொண்டு ஆடுவார். இது நிச்சயம் அற்புதமான தொடராக இருக்கும்.

இதில் ஏற்கனவே காரம் சேர்க்கப்பட்டு விட்டது. இந்தியா ஏ அணிக்கு எதிராக பந்து சேதப்படுத்திய குற்றச்சாட்டுகள் மற்றும் விராட் கோலி பற்றி ரிக்கி பாண்டிங் பேசியது ஆகியவை இந்த தொடரை சுவாரஸ்யமானதாக மாற்றி உள்ளது” எனத் தெரிவித்துள்ளார்.