சென்னை-திருச்சி-மதுரை; மக்களுக்கு அடித்த ஜாக்பாட் - வருகிறது மிகப்பெரிய ஹைவே!

தமிழகத்தில் 25 புதிய நெடுஞ்சாலைகளுக்கு திட்டமிடப்பட்டுள்ளது.

புதிய நெடுஞ்சாலை

தமிழகத்தில் 6 ஆயிரத்து 600 கிமீ தேசிய நெடுஞ்சாலைகள் அமைக்கப்பட்டுள்ளன. இவை அண்டை மாநிலங்களுடன் இணைக்கபட்டுள்ளன.

இந்நிலையில், மாநில நெடுஞ்சாலைத்துறை சார்பில் பராமரிக்கப்பட்டு வரும் சாலைகளை தேசிய நெடுஞ்சாலைகளாக தரம் உயர்த்த திட்டமிடப்பட்டுள்ளது. அதன்படி 2 ஆயிரத்து 170 கிலோ மீட்டர் தொலைவிற்கு 25 புதிய நெடுஞ்சாலைகளை அடுத்த ஆண்டு தொடங்குவதற்கு திட்டமிடப்பட்டு வருகிறது.

நெடுஞ்சாலை இடிந்து விழுந்து கோர விபத்து - 24 பேர் உயிரிழப்பு!

மத்திய அரசு முடிவு

இப்பணிக்கு, 85,515 கோடி ரூபாய் தேவைப்படும் என, தோராயமாக மதிப்பிடப்பட்டுள்ளது. தொடர்ந்து திட்ட அறிக்கை தயாரிக்கப்பட்டு வருகிறது. நீண்ட நாள் கோரிக்கையாக இருந்து வரும் 2,000 கோடி செலவில் வெள்ளக்கோவில்-சங்ககிரி NH81-A 70 கிமீ நான்கு வழிச்சாலை விரிவாக்கத்தை மத்திய அரசு மேற்கொள்ளவுள்ளது.

சேலம், திருப்பூர் மற்றும் ஈரோடு மாவட்டங்களுக்கு இந்த திட்டம் மிகவும் முக்கியம். நீண்ட காலமாக முடிக்கப்படாமல் இருந்த 4,730 கோடி செலவில் கட்டப்படும் 164 கிமீ விக்கிரவாண்டி-கும்பகோணம்-தஞ்சாவூர் புறவழிச்சாலையில், மாநிலத்தின் உள்கட்டமைப்பு மேம்பாட்டிற்கு வழி வகுக்கும்.

தமிழகத்தில் ₹1 லட்சம் கோடி மதிப்பீட்டில் 2,781 கி.மீ.க்கு மொத்தம் 71 திட்டங்கள் வரவுள்ளன. மத்திய சாலைப் போக்குவரத்து மற்றும் நெடுஞ்சாலைத் துறை அமைச்சர் நிதின் கட்கரி கடந்த வாரம் தஞ்சாவூருக்குச் சென்றபோது,​​ தமிழகத்தில் நெடுஞ்சாலைத் திட்டங்களுக்காக ₹1 லட்சம் கோடி கூடுதலாக ஒதுக்கீடு செய்வதாக அறிவித்தது குறிப்பிடத்தக்கது.