பிரபல நடிகையுடன் டேட்டிங் செய்யும் நாக சைதன்யா! மீண்டும் காதலா?

நடிகை சமந்தாவின் முன்னாள் கணவர் நாக சைதன்யா பிரபல நடிகை ஒருவருடன் டேட்டிங் செய்வதாக வெளியான தகவல் திரையுலக வட்டாரத்தில் பேசு பொருளாக மாறியுள்ளது.

நாக சைதன்யா

தமிழ், தெலுங்கில் முன்னணி நடிகையாக வலம் வந்த நடிகை சமந்தாவும், நடிகர் நாகர்ஜூனாவின் மகனும், பிரபல தெலுங்கு நடிகருமான நாக சைதன்யாவும் காதலித்து கடந்த 2017 ஆம் ஆண்டு திருமணம் செய்துக் கொண்டனர்.

3 ஆண்டுகள் மகிழ்ச்சியாக இவர்கள் மண வாழ்க்கை சென்று கொண்டிருந்த நிலையில் இவர்களது விவாகரத்து குறித்து நீண்ட காலமாக செய்திகள் அவ்வப்போது வெளிவந்த வண்ணம் இருந்தது.

அடுத்த திருமணம்

சமந்தா கவர்ச்சியாக நடிப்பதில் நாக சைதன்யா குடும்பத்தினருக்கு உடன்பாடில்லை என்றும், இதுதொடர்பாக இருவருக்குள்ளும் கருத்து வேறுபாடு ஏற்பட்டதாக தகவல்கள் வெளியானது.

இதனிடையே கடந்த 2021 ஆம் ஆண்டு அக்டோபர் மாதம் நாக சைதன்யாவை பிரிவதாக சமந்தா அதிகாரப்பூர்வமாக அறிவித்தார். இது ரசிகர்கள், திரையுலகினர் மத்தியில் பெரும் அதிர்ச்சியை ஏற்படுத்தியது.

நடிகை ஷோபிதா துலிபாலா

அதன்பின் நாக சைதன்யா குறித்து பல இடங்களில் சமந்தா நல்ல விதமான கருத்துகளையே தெரிவித்து வந்தார். மீண்டும் படங்களில் பிசியாக நடிக்க தொடங்கியுள்ள சமந்தா நடிப்பில் சமீபத்தில் காத்து வாக்குல ரெண்டு காதல் படம் வெளியாகி நல்ல வரவேற்பை பெற்றது.

அதேசமயம் நாக சைதன்யாவும் பெரிய அளவில் வெளியுலகில் விவாகரத்துக்குப் பின் அதைப் பற்றி பேசாமல் படங்களில் நடிப்பதில் கவனம் செலுத்தில் வருகிறார்.

டேட்டிங் 

இதற்கிடையில் நாகசைதன்யாவுக்கு அடுத்ததாக திருமணம் செய்து வைக்க அவரது பெற்றோர்கள் முடிவு செய்துள்ளதாக தகவல் வெளியாகியிருந்தது. இந்நிலையில் ஹைதராபாத்தின் ஜூப்ளி ஹில்ஸ் பகுதியில் நாக சைதன்யா சொகுசு பங்களா ஒன்றை கட்டியுள்ளார்.

அங்கு பிரபல நடிகை ஷோபிதா துலிபாலாவை அடிக்கடி அவர் அழைத்து செல்வதாக கூறப்படுகிறது. இதுதொடர்பான புகைப்படங்களும் வெளியாகி ரசிகர்களிடையே ஆச்சரியத்தை ஏற்படுத்தியது.

இருவரும் டேட்டிங் செல்கிறார்களா என பலரும் சமூக வலைத்தளத்தில் தொடர்ந்து கேள்வி எழுப்பி வருகின்றனர். நடிகை ஷோபிதா மணிரத்னம் இயக்கத்தில் பிரமாண்டமாக உருவாகி வரும் பொன்னியின் செல்வன் படத்தில் வானதி கேரக்டரில் நடித்து வருகிறார் என்பது குறிப்பிடத்தக்கது.  

டி-20யின் போது ஸ்டேடியத்தை பிய்த்துக் கொண்டு கொட்டிய மழை - ரசிகர்கள் அதிருப்தி! வைரலாகும் வீடியோ