மது குடிக்க பணம் இல்லை - 4 மாத பெண் குழந்தையை ரூ.100-க்கு விற்ற கொடூர தாய்!
தாய் ஒருவர் தனது குழந்தையை ரூ.100-க்கு விற்றுள்ளார்.
மது பழக்கம்
கர்நாடகா, உலிகி கிராமத்தைச் சேர்ந்த 25 வயது பெண் ஒருவர் பிச்சை எடுத்து வருகிறார். சாலையோரங்களிலும், மண்டபங்களிலும் தங்கி வந்துள்ளார். இவருக்கு 3 குழந்தைகள் உள்ளனர்.
இந்நிலையில், அந்த பகுதியை சேர்ந்த பெண் ஒருவர், இவரின் ஒரு குழந்தையை விலைக்கு வாங்கியுள்ளார். இதுகுறித்து அறிந்த அங்கன்வாடி ஊழியர்கள் அந்தப் பெண்ணை சந்தித்து பேசியுள்ளனர்.
குழந்தை விற்பனை
அதன்பின், குழந்தையை மீட்டு கொப்பல் மாவட்ட குழந்தைகள் மேம்பாட்டு துறை அதிகாரிகளிடம் ஒப்படைத்துள்ளனர். இதனையடுத்து அந்த பெண்ணிடம் இதுகுறித்து விசாரிக்கையில், அந்த பெண்ணுக்கு மதுகுடிக்கும் பழக்கம் இருந்துள்ளது.
மது குடிப்பதற்கு பணம் இல்லாததால் 4 மாத பெண் குழந்தையை அந்த பெண், அதேப்பகுதியை சேர்ந்த ஒருவருக்கு ரூ.100-க்கு விற்பனை செய்தது தெரியவந்துள்ளது.
மேலும், இதேபோல் மற்றொரு குழந்தையையும் விற்று இருக்கலாம் என கூறப்படுகிறது.
