உரிமை தொகை ரூ.1000 பெறாத பெண்கள்.. இந்த முறை மிஸ்ஸே ஆகாது - 2ம் கட்டம் தொடக்கம்!

மகளிர் உரிமை தொகை பெறாத பெண்களுக்கு முதல்வர் மீண்டும் தொடங்கி வைக்கிறார்.

உரிமை தொகை

தமிழ்நாட்டில் தற்பொழுது மகளிருக்கு மாதம் ரூ.1000 உரிமை தொகை வழங்கப்பட்டு வருகிறது. ஒவ்வொரு மாதமும் 15-ம் தேதி இந்தப் பணம் அவரவர் வங்கிக் கணக்குக்கு சென்றடையும் என்று அறிவிக்கப்பட்டாலும் அதற்கு ஒருநாள் முன்னதாகவே குடும்பத் தலைவிகளின் வங்கி கணக்கில் செலுத்தப்பட்டு வருகிறது.

இதில் பெண்களுக்கு 2 தவணைக்கான பணம் வங்கி கணக்கில் வரவு வைக்கப்பட்டுள்ளது. இந்த தொகை கிடைக்காதவர்கள் மேல்முறையீடு செய்து வருகின்றனர்.

ஓபிஎஸ்-க்கு வந்த சோதனை.. அதிமுகவின் பெயர், கொடி, சின்னத்தை பயன்படுத்தக்கூடாது - நீதிமன்றம் உத்தரவு!

2ம் கட்டம்

இந்நிலையில், இதுவரை 11 ஆயிரத்திற்கும் மேற்பட்டோர் மேல்முறையீடு செய்தும் வறுமையான குடும்பத்தை சார்ந்த பலருக்கு ரூ.1000 உரிமைத்தொகை வழங்கப்படவில்லை. இந்த மேல்முறையீடு செய்த பெண்களை தேர்வு செய்து உரிமை தொகை வழங்கப்பட்டு வருகிறது.

தற்பொழுது 2-ம் கட்டமாக மகளிர் உரிமை தொகை வழங்கும் திட்டத்தை நாளை மறுநாள் முதலமைச்சர் மு.க.ஸ்டாலின் தொடங்கி வைக்கிறார். முதலமைச்சர் மு.க.ஸ்டாலின் உடல்நிலை சரியான நிலையில் முதல் நிகழ்ச்சியாக நாளை மறுநாள் கலைவாணர் அரங்கில் நடைபெறும் விழாவில் பங்கேற்க உள்ளார்.