இந்தியா வரும் லியோனல் மெஸ்ஸி..கால்பந்து போட்டி எங்க நடக்குது தெரியுமா?
Vidhya Senthil
in விளையாட்டு
அந்ஜென்டினா கால்பந்து ஜாம்பவான் லியோனல் மெஸ்ஸி அடுத்தாண்டு இந்தியா வர உள்ளார்.
கால்பந்து போட்டி
கேரள மாநிலம் , கொச்சியில் அடுத்த ஆண்டு நட்பு ரீதியில் கால்பந்து போட்டி நடைபெற உள்ளது. இந்த போட்டியில் போட்டியில் மெஸ்ஸியின் அர்ஜென்டினா அணி விளையாட உள்ளதாகத் தகவல் வெளியாகியுள்ளது.
இதில் கலந்துகொள்வதற்காகக் கால்பந்து உலகக்கோப்பை சாம்பியனான லியோனல் மெஸ்ஸி தலைமையிலான அர்ஜென்டினா அணி அடுத்தாண்டு கேரளாவுக்கு வருகை தர உள்ளது.
இது குறித்து செய்தியாளர்களைச் சந்தித்த கேரள விளையாட்டு அமைச்சர் வி அப்துரஹிமான்,’’மாநில அரசின் முழுமையான கண்காணிப்பில் போட்டி நடத்தப்படும் என்று கூறினார். "இந்த உயர்மட்ட கால்பந்து நிகழ்வை ஏற்பாடு செய்வதற்கான அனைத்து நிதி உதவியும் மாநிலத்தின் வணிகர்களால் வழங்கப்படும்" என்று அமைச்சர் கூறினார்.
லியோனல் மெஸ்ஸி
இந்த வரலாற்று நிகழ்வை நடத்தும் கேரளா மாநிலம் வெற்றிகரமாக நடத்தும் என அவர் நம்பிக்கை தெரிவித்தார். முன்னதாக மெஸ்ஸி கடைசியாக 2011 ஆம் ஆண்டு வெனிசுலாவுக்கு எதிரான சர்வதேச நட்பு போட்டியில் அர்ஜென்டினா பங்கேற்ற போது இந்தியாவில் விளையாடினார்.
இதனையடுத்து லியோனல் மெஸ்ஸி 14 ஆண்டுகளுக்கு பிறகு இந்தியாவில் விளையாட உள்ளது அவரது ரசிகர்கள் மத்தியில் உற்சாகத்தை ஏற்படுத்தி உள்ளது.
