பிரபாஸுக்கு ஜோடியாகும் இன்ஸ்டா பிரபலம் -யார் இவர் ? வைரலாகும் வீடியோ !
Vidhya Senthil
in திரைப்படம்
பிரபாஸ் ஜோடியாக நடிக்க இன்ஸ்டா பிரபலம் ஒருவருக்கு வாய்ப்பு கிடைத்துள்ளது.
நடிகர் பிரபாஸ்
கல்கி படத்தின் பெரும் வெற்றிக்குப் பிறகு நடிகர் பிரபாஸின் அடுத்த படத்தை யார் இயக்குவார் என எதிர்பார்ப்பு இருந்தது. அந்த வகையில் சீதா ராமம் படத்தை இயக்கிய ஹனு ராகவபுடி இயக்கத்தில் நடிகர் பிரபாஸ் நடிக்க உள்ளதாக அதிகாரப்பூர்வமாக அறிவிக்கப்பட்டது.
கடந்த வாரம் ஹைதராபாத்தில் பிரம்மாண்டமான பூஜை விழாவுடன் பட பணிகள் தொடங்கப்பட்டது. இந்த படத்தில் மிதுன் சக்ரவர்த்தி, ஜெயபிரதா ஆகியோர் முக்கிய கதாபாத்திரத்தில் நடிக்க உள்ளனர். ஆனால் இந்த படத்தில் நடிகர் பிரபாஸுக்கு ஜோடியாக புதுமுக நடிகை இமான் இஸ்மாயிலை நடிக்க உள்ளதாக தகவல் வெளியாகியுள்ளது.
யார் இந்த இன்ஸ்டா பிரபலம்:
2020 ஆம் ஆண்டில், தால் படத்தின் ராம்தா ஜோகி பாடலுக்கு நடனமாடிய இமான்வி வீடியோ இணையத்தில் வைரலானது. மேலும் இமான்வி 836k இன்ஸ்டாகிராம் ப்ளோவெர்ஸ் வைத்துள்ளார். 1.8 மில்லியன் யூடியூப் பின் தொடர்ந்து வருகின்றனர்.
இந்த நிலையில் பிரபாஸஸுக்கு ஜோடியாக படத்தின் கதைநாயகியாக இமான்வி ஒப்பந்தம் செய்யப்பட்டிருக்கிறார்.
இன்ஸ்டாகிராமில் நடனமாடி பலரைக் கவர்ந்தவருக்கு இப்படியொரு வாய்ப்பு கிடைத்திருக்கிறது. மேலும் சீதா ராமம் படத்தில் நடித்த மிருணாள் தாகூர் திரையுலகில் முன்னணி நடிகையாக வலம் வந்து கொண்டிருக்கிறார் என்பது குறிப்பிடத்தக்கது.
