வேறு நபருடன் பைக்கில் சென்ற மனைவி..ஸ்குரு டிரைவரை எடுத்து கணவன் செய்த கொடூர செயல்!

  மனைவியின் தலையில் ஸ்குரு டிரைவரால் கணவர் குத்திய சம்பவம் அதிர்ச்சியை ஏற்படுத்தி உள்ளது.

சேலம்

சேலம் மாவட்டத்தைச் சேர்ந்தவர் மணிகண்டன்- பிருந்தா தம்பதியினர். இந்த தம்பதிக்கு ஒரு மகனும், மகளும் உள்ளனர். மணிகண்டன் அதே பகுதியில் ஆட்டோ ஓட்டுநராக பணிபுரிந்து வருகிறார். இந்த சூழலில் கணவன் மனைவி இடையே ஏற்பட்ட கருத்து வேறுபாடு காரணமாக அடிக்கடி பிரச்சனை ஏற்பட்டுள்ளது.

இதன் காரணமாகக் கணவரை விட்டுப் பிரிந்த பிருந்தா கடந்த 2 வருடங்களாகவே நாமக்கல்லில் தனியாகவே வசித்து வந்திருக்கிறார். இதனால் பிள்ளைகள் 2பேருமே மணிகண்டனிடம்தான் வளர்ந்து வந்துள்ளார். இந்நிலையில், இன்று காலை சேலத்திலிருந்து நாமக்கல்லுக்கு மணிகண்டன் பைக்கில் வந்து கொண்டிருந்தார்.

மருத்துவமனையில் பிறந்த குழந்தையை நாய் கவ்வி சென்ற கொடூரம் - வெளியான அதிர்ச்சி காட்சி!

அப்போது பிருந்தா இன்னொரு நபருடன் பைக்கில் சென்று கொண்டிருப்பதைப் பார்த்த மணிகண்டன் அதிர்ச்சி அடைந்தார். இதனையடுத்து பிருந்தா பின் தொடர்ந்து சென்ற மணிகண்டன் பிறகு, அந்த பைக்கை முந்திச்சென்று, வழிமறித்து வாக்குவாதத்தில் ஈடுபட்டார் .

 சரிந்த பிருந்தா

வாக்கு வாதம் முற்றவே ஒரு கட்டத்தில் ஆத்திரமடைந்த மணிகண்டன், தான் மறைத்து வைத்திருந்த ஸ்குருடிரைவரை எடுத்து, பிருந்தாவின் தலையில் வேகமாகக் குத்தினார். தலையில் ரத்தம் சொட்டச் சொட்ட சாலையில் பிருந்தா சரிந்து விழுந்தார்.

இதனையடுத்து இந்த சம்பவம் தொடர்பாகத் தகவல் அறிந்து வந்த காவல் துறையினர் பிருந்தாவை மீட்டு மருத்துவமனைக்கு அனுப்பி வைத்தனர்.மேலும் மணிகண்டனைக் கைது செய்து விசாரணை மேற்கொண்டு வருகின்றனர்.