இலங்கைக்கு வரும் ரம்பா; இதுதான் முதல்முறை - என்ன காரணம்?

யாழில் நடைபெறவுள்ள பிரம்மாண்ட இசை நிகழ்ச்சிக்கு நடிகை ரம்பா வருகை தரவுள்ளார்.

ஹரிஹரனின் இசை நிகழ்ச்சி

அன்பே அன்பே கொள்ளாதே, அவள் வருவாளா, என்னை தாலாட்ட வருவாளா, மின்னல் ஒரு கோடி என பல சூப்பர்ஹிட் பாடல்களை கொடுத்தவர் பாடகர் ஹரிஹரன்.

இந்நிலையில், NORTHERN UNIஇன் ஏற்பாட்டில் இவரது இசை நிகழ்ச்சி வருகிற டிசம்பர் மாதம் 21ம் தேதி யாழ்ப்பாணம் முற்றவெளி அரங்கில் நடைபெறுகிறது.

இது முற்றிலும் ரசிகர்களுக்கு இலவசமாக நடத்தப்பட்டும் நிகழ்ச்சியாகும். இதற்கான டிக்கெட்ஸ், இனி வரும் நாட்களில் நிகழ்ச்சியை ஏற்பாடு செய்த குழு வழங்குவதாக தெரிவித்துள்ளனர். 

இலங்கை மக்களின் மன உணர்வு - குஷ்புக்கு பதில் இடம்பிடித்த டிடி!

ரம்பா வருகை

வடக்கு மற்றும் கிழக்கு மக்களுக்கு சிறந்த பொழுதுபோக்கு நிகழ்ச்சியாகவும், Magic Home group யாழ் வருகையை பிரபலப்படுத்தும் நோக்கத்தோடு, இந்த பிரமாண்ட இசை நிகழ்ச்சியை ஹரிஹரன் தலைமையில் யாழ்ப்பாணத்தில் நடத்தவுள்ளதாக ஏற்பாட்டாளர்கள் கூறியுள்ளனர்.

இதனை பிரபல தொகுப்பாளர் திவ்யதர்ஷனி(டிடி) தொகுத்து வழங்கவுள்ளார். மேலும் இந்த பிரம்மாண்ட நிகழ்ச்சிக்கு நடிகை ரம்பா சிறப்பு விருந்தினராக வர உள்ளார்.