பெரம்பலூரில் பிறந்து நாடறிந்த பிரபலங்கள் யாரெல்லாம் தெரியுமா?

பெரம்பலூர் மாவட்டத்தில் பிறந்து தமிழகம் முழுதும் அறியப்பட்ட பிரபலங்கள் குறித்துக் காணலாம்.

டிஆர் பாரிவேந்தர் 

டிஆர் பாரிவேந்தர் பெரம்பலூர் மக்களவைத் தொகுதியிலிருந்து 17 வது மக்களவைக்கு இந்திய ஜனநாயக கட்சி எம்பியும் ஆவார். SRM குழும கல்வி நிறுவனங்களின் நிறுவனர். இவரது கட்சி 2021 தமிழ்நாடு சட்டமன்றத் தேர்தலின் போது கமல் ஹாசனின் மக்கள் நீதி மய்யம் உடன் கூட்டணி வைத்தது. 

ஆ.ராஜா 

ஆ.ராஜா நீலகிரி தொகுதியின் நாடாளுமன்ற உறுப்பினராகவும், திராவிட முன்னேற்றக் கழகத்தின் துணைப் பொதுச் செயலாளராகவும் பணியாற்றுகிறார். 1996 முதல் நான்கு முறை நாடாளுமன்றத்திற்கு தேர்ந்தெடுக்கப்பட்டார். 

சகாப்த செழியன்

சகாப்த செழியன் அல்லது ராஜகோபால் செழியன், எழுத்தாளர் மற்றும் அரசியல்வாதி. இந்திரா காந்தி அரசாங்கத்தால் அழிக்கப்பட்டதாகக் கூறப்படும் 'ஷா கமிஷன் அறிக்கை'யை மீண்டும் கண்டுபிடித்து வெளியிட்டதற்காக பிரபலமானவர். ஜெயபிரகாஷ் நாராயணின் சித்தாந்தங்களில் ஈர்க்கப்பட்டு, ஜனதா கட்சியில் சேர்ந்தார். 2001ல் தீவிர அரசியலில் இருந்து ஓய்வு பெற்றார். 

திவ்யா துரைசாமி 

திவ்யா துரைசாமி தனியார் தொலைக்காட்சிகளில் செய்தி வாசிப்பாளராக இருந்துள்ளார். மாடலிங் மற்றும் நடிப்பில் ஆர்வம் ஏற்படவே சில குறும்படங்களில் நடித்தார். இஸ்பேட் ராஜாவும் இதய ராணியும் படத்தில் ஒரு சிறிய வேடத்தில் நடித்தார். அதன்பின் மதில், குற்றம் குற்றமே, எதற்கும் துணிந்தவன் உள்ளிட்ட சில படங்களிலும் நடித்துள்ளார். 

தென்கச்சி கோ. சுவாமிநாதன் 

தென்கச்சி கோ. சுவாமிநாதன் தமிழ் பேச்சாளர் , தொலைக்காட்சி ஆளுமை மற்றும் பல்வேறு தமிழ் புத்தகங்களை எழுதியவர். சென்னை அகில இந்திய வானொலியின் துணை இயக்குநராகப் பணியாற்றியவர். காதலே நிம்மதி (1998) திரைப்படத்தில் நீதிபதியாகவும் , இலக்கணம் (2006) திரைப்படத்தில் வைகறை இதழின் உதவி ஆசிரியராகவும் சுவாமிநாதன் ஒரு சிறிய பாத்திரத்தில் தோன்றினார். 

பெரம்பலூரில் ஒளிந்திருக்கும் இயற்கை அழகினை காண இந்த இடங்களுக்கு செல்லுங்கள்!