மதுபோதையில் கொடூர விபத்து - வாசலில் தூங்கியவர்கள் மீது காரை ஏற்றிய பெண்!
வீட்டு வாசலில் உறங்கியவர்கள் மீது ஏறிய காரால் பரபரப்பு ஏற்பட்டது.பெரும் பரபரப்பு ஏற்படுத்தியது.
தூங்கியவர்கள்
சென்னை அசோக் நகரில் வசிப்பவர் சரிதா. அவரது வீட்டில் நடந்த விசேஷம் ஒன்றுக்கு உறவினர்கள் வந்திருக்கின்றனர். அப்போது இரவில் தூங்க இடமில்லாததால் சிலர் வீட்டுக்கு வெளியே உள்ள வாசலில் உறங்கியுள்ளனர். அப்போது கூகுள் மேப்பை நம்பி முட்டு சந்துக்குள் நுழைந்த கார், அவர்கள் மீது ஏறி விபத்துக்குள்ளானது.
காரை ஒட்டி வந்து விபத்துக்குள்ளாக்கிய வட மாநிலப் பெண் ஷில்பா மீது போலீசார் வழக்குப்பதிவு செய்து தீவிர விசாரணையை மேற்கொண்டு வருகின்றனர். இந்த கோரவிபத்தில் 4 பெண்கள் உள்ளிட்ட 7 பேரின் கால்கள் மீது கார் ஏறியுள்ளது. இதில் 2 பெண்களுக்கு எலும்பு முறிவு ஏற்பட்டுள்ளது.
கொடூர விபத்து
இந்த சம்பவம் குறித்து அப்பகுதி பெண்கள் கூறுகையில், “செம ஸ்பீடா கார் ஓட்டிட்டு வந்தாங்க... அலறல் சத்தம் கேட்டு ஓடி வந்தோம்... 7 பேரு மேல காரை ஏத்திட்டி அந்த பொண்ணு நிக்காம போயிட்டே இருக்காங்க... முட்டு சந்து இல்லையென்றால் தப்பித்து ஓடிப்போயிருப்பார்.
மதுபோதையில் அந்த பெண் இருந்தார். முதலில் குழந்தை மீதுதான் காரை ஏற்றினார். பிறகு அடுத்தடுத்து படுத்திருந்தவர்கள் மீது காரை ஏற்றினார்” என்று விளக்கினர். கூகுளை மேப்பை நம்பி அதி வேகத்தில் காரை ஒட்டி வந்து விபத்தை உண்டாக்கிய சம்பவம் பெரும் அதிர்ச்சியை ஏற்படுத்தியுள்ளது.
