'சோனமுத்தா.. போச்சா' பேட் கம்மின்ஸ் பேட்டி வைரல் - வறுத்தெடுக்கும் ரசிகர்கள்!

ஆஸ்திரேலிய அணி வீரர் பேட் கம்மின்ஸின் வீடியோ ஒன்று இணையத்தில் வைரலாகி வருகிறது. 

ஆஸ்திரேலியா 

டி20 உலகக்கோப்பை கிரிக்கெட் தொடர் 2024 இறுதிக்கட்டத்தை எட்டியுள்ளது. இந்த தொடரில் சூப்பர் 8 சுற்றில் தேவையான வெற்றிகளை பெற்று இந்தியா, இங்கிலாந்து, ஆப்கானிஸ்தான் மற்றும் தென்னாப்பிரிக்க அணிகள் அரையிறுதிக்கு முன்னேறியுள்ளது.

மேலும், வங்கதேச அணியுடனான ஆப்கானிஸ்தானின் வெற்றியைத் தொடர்ந்து, ஆஸ்திரேலிய அணியும் சூப்பர் 8 சுற்றுடன் வெளியேறியுள்ளது. இந்நிலையில் ஆஸ்திரேலிய அணியின் ஒருநாள் மற்றும் டெஸ்ட் கேப்டனான பேட் கம்மின்ஸ்,

சதங்கள் முக்கியமல்ல.. இதுதான் முக்கியம் - அரையிறுதியில் ரோஹித்தின் பிளான் என்ன?

கவலையில்லை

டி20 உலகக்கோப்பைக்கு முன் அளித்த பேட்டி ஒன்று இணையத்தில் வைரலாகி வருகிறது. அதில், உலகக்கோப்பையில் அரையிறுதிக்கு செல்லும் 4 அணிகளின் பெயரை பேட் கம்மின்ஸிடம் தொகுப்பாளர் கேட்டிருப்பார்.

அதற்கு பதிலளித்த அவர் "கண்டிப்பாக ஆஸ்திரேலியா செல்லும் என்றும், மற்ற 3 அணிகள் குறித்து எனக்கு கவலையில்லை" என்றும் தெரிவித்திருப்பார். இந்நிலையில் இந்த வீடியோவை பதிவிட்டு பேட் கம்மின்ஸை டேக் செய்த ரசிகர்கள், "என்ன சோனமுத்தா போச்சா" என்ற வடிவேலுவின் டயலாகுடன் ஒப்பிட்டு அவரை வறுத்தெடுத்து வருகின்றனர்.