'அதை செய்தால் CSK அணியில் சான்ஸ் தரேன்' - ஆப்கன் வீரரிடம் தோனி சொன்ன சீக்ரெட்..?
Jiyath
in கிரிக்கெட்
முகமது ஷாஜாத் குறித்து எம்எஸ் தோனியிடம், தான் பேசிய ஒரு நகைச்சுவையான சம்பவத்தை அப்போதைய ஆப்கானிஸ்தான் கேப்டன் அஸ்கர் பகிர்ந்துள்ளார்.
முகமது ஷாஜாத்
ஆப்கானிஸ்தான் கிரிக்கெட் அணியின் தொடக்க வீரரும் விக்கெட் கீப்பர் பேட்ஸ்மேனுமாக இருப்பவர் முகமது ஷாஜாத். அதிரடிக்கு பெயர் போன இவர் 2018ம் ஆண்டு ஆசியக்கோப்பையில் இந்திய அணிக்கு எதிராக 124 ரன்கள் அடித்து போட்டியை சமன் செய்தார்.
இந்நிலையில் அந்த போட்டிக்கு பிறகு ஷாஜாத் குறித்து எம்எஸ் தோனியிடம், தான் பேசிய ஒரு நகைச்சுவையான சம்பவத்தை அப்போதைய ஆப்கானிஸ்தான் கேப்டன் அஸ்கர் பகிர்ந்துள்ளார். அவர் பேசியதாவது "தோனி ஒரு சிறந்த கேப்டன், இந்திய கிரிக்கெட்டுக்கு கடவுள் கொடுத்த வரம்.
அஸ்கர் பேட்டி
அதுமட்டுமல்லாமல் ஒரு நல்ல மனிதரும் கூட, அவரிடம் முகமது ஷாஜாத் பற்றி நிறைய பேசினேன். தோனியிடம் ஷாஜாத் உங்கள் பெரிய ரசிகன் என்று கூறினேன். அப்போது அவர், “ஷாஜாத் பெரிய வயிறுடன் இருக்கிறார், ஒருவேளை அவர் 20 கிலோவை குறைத்தால், நான் அவரை ஐபிஎல் தொடரில் சிஎஸ்கேவில் தேர்வு செய்வேன்” என்று கூறினார்.
ஆனால் வேடிக்கையாக ஆசியக் கோப்பை தொடருக்குப் பிறகு ஆப்கானிஸ்தானுக்கு திரும்பிய ஷாஜாத், மேலும் 5 கிலோ அதிகரித்துவிட்டார்” என்று சிரித்தபடியே அஸ்கர் கூறியுள்ளார்.
