பிரபாஸ் படத்தில் இருந்து நீக்கப்பட்ட அனுஷ்கா - இது தான் காரணமா?

அனுஷ்கா பிரபாஸின் படத்தில் இருந்து நீக்கப்பட்டதாக தகவல் வெளியாகியுள்ளது.

அனுஷ்கா 

தமிழில் ரெண்டு படம் மூலம் அறிமுகமானவர் அனுஷ்கா. பின், அருந்ததி படம் மூலம் பிரபலமானார். அதனைத் தொடர்ந்து வேட்டைக்காரன், சிங்கம் போன்ற படங்களில் நடித்தார்.

நடிகர் ஆர்யாவுடன் இஞ்சி இடுப்பழகி படத்தில் நடித்திருந்தார். இப்படத்திற்காக அதிகப்படியான அளவில் உடல் எடையை அதிகரித்தார். இருப்பினும் மீண்டும் அவரது எடையை குறைக்க முடியவில்லை. கடந்த ஆண்டு மிஸ்டர் அண்ட் மிர்ஸஸ் பொலி ஷெட்டி படத்தில் நடித்திருந்தார்.

எனக்கு அந்த நோய் இருக்கு; கட்டுப்படுத்துறது கஷ்டம் - வேதனையை பகிர்ந்த அனுஷ்கா!

உடல் எடை காரணம்?

இந்நிலையில் பாகுபலி படத்திற்கு பின் பிரபாஸ் நடிக்க கமிட் ஆகிய படம் சாஹோ. இப்படத்தில் இவருக்கு ஜோடியாக ஷ்ரதா கபூர் நடித்திருந்தார். முன்னதாக, இந்த படத்தில் முதலில் அனுஷ்காவே நடிக்க இருந்ததாகவும், அவரது உடல் எடை காரணமாக அப்படத்தில் இருந்து நீக்கப்பட்டதாகவும் தகவல் வெளியாகியுள்ளது.

மேலும் இப்பட வாய்ப்பு வந்த பொழுது அதிக உடற்பயிற்சி செய்து உடலை குறைக்க அனுஷ்கா முயற்சி செய்ததாக கூறப்படுகிறது.

இதற்கிடையில், பிரபாஸ் மற்றும் அனுஷ்கா காதலித்து வருவதாகவும், திருமணம் செய்ய இருப்பதாகவும் கிசுகிசுக்கப்பட்டது. ஆனால், இருவரும் இதனை மறுத்துள்ளது குறிப்பிடத்தக்கது.