உலகக்கோப்பை: மைதானத்தில் பாலஸ்தீன கொடியை காட்டிய 4 பேர் - போலீசார் அதிரடி!
Jiyath
in கிரிக்கெட்
பாகிஸ்தான் - வங்கதேச ஆட்டத்தின்போது மைதானத்தில் பாலஸ்தீன கொடியை காட்டிய 4 பேர் கைது செய்யப்பட்டனர்.
பாலஸ்தீன கொடி
உலகக் கோப்பை கிரிக்கெட் தொடர் 2023 இந்தியாவில் நடைபெற்று வருகிறது. இதில் நேற்று நடந்த ஆட்டத்தில் பாகிஸ்தான் - வங்கதேசம் அணிகள் மோதின. இந்த ஆட்டத்தில் பாகிஸ்தான் அணி, வங்கதேச அணியை வீழ்த்தி வெற்றி பெற்றது.
இந்த போட்டியானது கொல்கத்தா ஈடன் கார்டன்ஸ் மைதானத்தில் நடைபெற்றது. அப்போது மைதானத்தில் இஸ்ரேல் தாக்குதலுக்கு எதிர்ப்பு தெரிவிக்கும் வகையில் 4 பேர் பாலஸ்தீன கொடியை காட்டியுள்ளனர்.
4 பேர் கைது
இந்த சம்பவம் ஆட்டம் நடைபெறும்போது மைதானத்தின் கேட் 6 மற்றும் பிளாக் G1 பகுதிகளில் நடந்துள்ளது. உடனடியாக மைதானத்திலிருந்த போலீசார் அந்த 4 போரையும் கைது செய்தனர்.
பின்னர் அவர்களிடம் நடத்திய விசாரணையில், அவர்கள் பாலி, எக்பால்பூர் மற்றும் கராயா பகுதிகளில் வசிப்பவர்கள் என்று தெரியவந்தது. இதனையடுத்து அவர்கள் கோஷங்கள் ஏதும் எழுப்பவில்லை என்று கண்டறியப்பட்டதால், 4 பேரும் நள்ளிரவில் விடுவிக்கப்பட்டனர்.
