அமெரிக்காவில் தொடர்ந்து 168 வாகனங்கள் மோதி பயங்கர விபத்து - 8 பேர் பலி!

வாகனங்கள் தொடர்ந்து மோதியதில் பயங்கர விபத்து ஏற்பட்டு 8 பேர் உயிரிழந்துள்ளனர்.

விபத்து

அமெரிக்கா, லூசியானா மாகாணத்தின் தெற்கு பகுதியில் மிகப்பெரிய சதுப்பு நிலம் உள்ளது. அதில் ஏற்பட்ட தீ மளமளவென மற்ற பகுதிகளுக்கும் வேகமாக பரவியது. பின்னர், பனிக்காலம் என்பதால் அங்கு சாலைகளில் பனிப்பொழிவு ஏற்பட்டது. அங்கு ஏற்பட்ட தீயின் புகை மற்றும் பனிப்பொழிவு சேர்ந்து சாலை முழுவதும் கரும்புகை மண்டலமாக காட்சி அளித்தது.

சாலையில் முன்னால் வரும் வாகனங்களை பார்க்க முடியாத அளவுக்கு மூடுபனி உருவானது. அப்போது அபாயகரமான வேதிப்பொருட்களை ஏற்றிக்கொண்டு டேங்கர் லாரி ஒன்று அந்த வழியாக சென்றுள்ளது.

தன் அறைக்குள் கீழே விழுந்து கிடந்த புடின்.. மோசமடைந்து உடல்நிலை, என்னாச்சு? - கமாண்டோ பரபரபப்பு தகவல்!

உயிரிழப்பு

இந்நிலையில், மூடுபனி காரணமாக எதிரே வந்த வாகனங்கள் தெரியாததால் அந்த லாரி முன் வந்த கார் மீது மோதியது. இதில் அந்த டேங்கர் லாரியில் இருந்து வேதிப்பொருட்கள் கசிந்து மேலும் புகைமூட்டமாக ஆனது. அதனால் ஒன்றன்பின் ஒன்றாக 168 வாகனங்கள் மோதி பெரும் விபத்து ஏற்பட்டது.

தொடர்ந்து நடந்த இந்த விபத்தால் சாலை முழுவதும் பல வாகனங்கள் குப்பை போல் இருந்துள்ளன. இதனை மீட்பு படையினர் வந்து அந்த வாகனங்களை அப்புறப்படுத்தினர். இந்த விபத்தில் 8 பேர் சம்பவ இடத்திலேயே பலியாகினர்.

படுகாயம் அடைந்த 63 பேருக்கு ஆஸ்பத்திரியில் தீவிர சிகிச்சை அளிக்கப்பட்டு வருகிறது. மேலும், இதில் சிலரின் நிலைமை கவலைக்கிடமாக இருப்பதால் பலி எண்ணிக்கை மேலும் உயரும் என்று கூறப்படுகிறது.