உலகக்கோப்பை தோல்வி; அந்த கெட்ட சகுனங்கள்தான் காரணம் - ராகுல் காந்தி மறைமுக தாக்கு!

கெட்ட சகுனத்தினால் உலககக்கோப்பை போட்டியில் தோல்வி அடைந்தோம் என ராகுல் காந்தி பேசியுள்ளார்.

ராகுல் காந்தி

ராஜஸ்தான் மாநிலத்தில் சட்டசபை தேர்தலை முன்னிட்டு, ஆளும் காங்கிரஸ் மற்றும் பாஜக உள்ளிட்ட காட்சிகள் தீவிர பிரச்சாரத்தில் இறங்கியுள்ளனர். அம்மாநிலத்தில் நடைபெற்ற பேரணி ஒன்றில் காங்கிரஸ் முன்னாள் தலைவர் ராகுல் காந்தி கலந்து கொண்டார்.

அப்போது பேசிய அவர் "பிரதமர் மோடி பிரச்சனைகளை திசை திருப்ப முயல்கிறார். அவர் தொலைக்காட்சியில் தோன்றி, இந்து-முஸ்லிம் என கூறிகிறார். சில சமயங்களில் கிரிக்கெட் போட்டியை காண போகிறார். உலக கோப்பையை நமது வீரர்கள் வென்றிருக்க கூடும். ஆனால், கெட்ட சகுனத்தினால், போட்டியில் தோல்வி அடைந்தோம் என பேசினார்.

உலகக்கோப்பையை அவமதித்த மிட்செல் மார்ஷ்..? 'குரங்கு கைல பூமால' - விளாசும் ரசிகர்கள்!

கடும் எதிர்ப்பு

பி.எம். என்றால் பனாடி மோடி (பனாடி என்றால் தீய சகுனம் என்று அர்த்தம்) என கூறினார். அவருடைய இந்த பேச்சுக்கு பாஜகவினர் கடுமையாக எதிர்ப்பு தெரிவித்து வருகின்றனர். முன்னதாக குஜராத் நரேந்திர மோடி மைதானத்தில் இந்தியா-ஆஸ்திரேலிய அணிகளுக்கு இடையேயான உலகக்கோப்பை இறுதிப்போட்டி நடைபெற்றது.

இதில் இந்திய அணி தோல்வியை சந்தித்தது. இப்போட்டியை காண பிரதமர் மோடி, அமித்ஷா, அனுராக் தாக்கூர் உள்ளிட்ட ஒன்றிய அமைச்சர்கள் மைதானத்திற்கு வந்திருந்தனர். அதை குறிப்பிட்டுதான் ராகுல் காந்தி பிரதமர் மோடியை மறைமுகமாக சாடியுள்ளார்.