பேய் வேடத்தில் இரவு உலா வந்த பெண் - அடுத்த நடந்த விபரீதம்.. வைரல் வீடியோ!

பேய் வேடத்தில் சுற்றி திரிந்த பெண்ணை நாய்கள் விரட்டும் வீடியோ இணையத்தில் வைரலாகி வருகிறது.

பேய் வேடம்

அக்டோபர் 31ம் தேதி, அமெரிக்கா, கனடா போன்ற நாடுகளில், மிகவும் பிரபலமாகவும் விமர்சையாக கொண்டாடப்படும் ஒரு திருவிழாதான் ஹாலோவின். இந்த விழாவில் மக்கள் பேய்ப்போல் வேடமணிந்து சாலையில் திரண்டு செல்வார்கள்.

தற்போது இது பல நாடுகளில் விருப்பமுள்ள மக்கள் கொண்டாடுகின்றனர், இந்த நிலையில், டெல்லியை சேர்ந்த ஷைபாலி கேக்பால் என்ற பெண் மேக்கப் கலைஞர், ஹாலோவின் திருவிழாவை கொண்டாடும் வகையில் பேய் வேடம் அணிந்து தெருக்களில் உலா வந்து ரீல்ஸ் எடுத்தார்.

விழுப்புரம் சாலையில் நடமாடும் பேய்.. கதிகலங்க வைக்கும் வைரல் வீடியோ - உண்மை என்ன?

விபரீதம்.. 

அதாவது, பேய்க்கான உடை அணிந்து, அதற்கேற்ற ரத்த சிவப்பு வண்ண மை பூசி, கண்களில் 'லென்ஸ்' பொருத்திக்கொண்டு பேய் வேடமிட்டிருந்தார். கடும் போக்குவரத்து நெரிசல் மிகுந்த சாலையில் உலா வந்து குழந்தைகள், பெண்கள் ஆகியோரைப் பயமுறுத்தும் வகையில் ஈடுபட்டார்.

அதை பொதுமக்கள் ஆச்சரியத்துடன் பார்த்தனர். ஆனால் எதிர்பாராவிதமாக, அவரின் இந்தப் பேய் வேடத்தைப் பார்த்ததும் நாய் ஒன்று அவரைத் துரத்த தொடங்கிவிட்டது. அதில் அந்த பெண் உயிருக்கு பயந்துபோய் அலறி ஓடினார்.

நாயும் விடாமல் அவரை விரட்டி விரட்டி குரைத்தது. இது பார்வையாளர்களைச் சிரிக்க வைத்துள்ளது. இந்த சம்பவம் தொடர்பான வீடியோ இணையத்தில் வெளியாகி 70 லட்சத்துக்கும் மேற்பட்ட பார்வைகளைக் கடந்து வைரலாகி வருகிறது.