தலைமுடியை வெட்டி பெண்ணுக்கு தண்டனை - முதல்வருக்கு வலுக்கும் எதிர்ப்பு
தண்டனையாக பெண் ஒருவரின் கூந்தல் வெட்டப்படும் வீடியோ இணையதளத்தில் வைரலாகி வருகிறது.
மேற்கு வங்கம்
மேற்குவங்கத்தில் பெண் ஒருவரின் தலைமுடியை ஆண் ஒருவர் கத்தரிக்கோல் மூலம் வெட்டி அகற்றும் வீடியோ இணையத்தில் வைரலாகி வருகிறது. திருட்டு சம்பவத்தில் ஈடுபட்டதிற்காக இந்த தண்டனை வழங்கப்பட்டதாக தகவல் வெளியாகியுள்ளது. இந்த வீடியோவை சட்டப்பேரவை எதிர்க்கட்சித் தலைவரும் மேற்குவங்க பாஜக தலைவருமான சுவேந்து அதிகாரி ‘எக்ஸ்’ தளத்தில் பகிர்ந்து கொண்டுள்ளார்.
அந்த பதிவில், இம்முறை ஹவுராவின் டோம்ஜூரில் இச்சம்பவம் நடந்துள்ளது. டோம்ஜூர் தொலைதூரப் பகுதி அல்ல. ஹவுரா நகர காவல் எல்லைக்குட்பட்ட பகுதி. கூச் பெஹார் முதல் சோப்ரா, அரியதாஹா மற்றும் டோம்ஜூர் வரை இந்த துயரம் தொடர்கிறது.
திரிணாமுல் காங்கிரஸ்
நேற்று, ஒரு பெண்ணின் தலைமுடி இரக்கமில்லாமல், கத்தரிக்கோலால், தண்டனையாக வெட்டப்பட்டது. இந்த கொடூரச் செயலைச் செய்த இஷா லஷ்கர், அபுல் ஹொசைன் லஷ்கர், சயீம் லஷ்கர், மக்புல் அலி, இஸ்ரேல் லஷ்கர், அர்பாஸ் லஷ்கர் & மெஹபுல்லா மித்தே ஆகியோர் திரிணாமுல் காங்கிரஸ் கட்சியுடன் நெருங்கிய தொடர்புடையவர்கள். மேற்கு வங்கத்தில் சட்டம் ஒழுங்கு சீரழிந்து மாநிலம் முழுவதும் கட்டப் பஞ்சாயத்து நடைபெறுகிறது. இங்கு உடனடி நீதி, குறிப்பாக பெண்கள் விஷயத்தில் வழங்கப்படுகிறது." என கூறி உள்ளார்.
Latest Episode of "Medieval Barbarism against Women in Bengal".
— Suvendu Adhikari (@SuvenduWB) July 18, 2024
SHAME SHAME SHAME
This time it's Domjur; Howrah.
FYI, Domjur is not a remote place. It comes under the jurisdiction of Howrah City Police.
From Cooch Behar to Chopra to Ariadaha to Domjur, the agony continues.… pic.twitter.com/GA5CITgcfh
மேலும் இது குறித்து பாஜக ஐ.டி. பிரிவின் தலைவர்அமித் மாளவியாவும் இந்த வீடியோவை பகிர்ந்து, , “மேற்கு வங்க முதல்வர் மம்தா பானர்ஜி தனது வாக்கு வங்கியை பாதுகாக்க, மாநிலத்தை பழமைவாத பாதையில் பின்னோக்கி தள்ளியுள்ளார்” என கருத்து தெரிவித்துள்ளார்.
கடந்த வாரம் இதே போல் மேற்கு வங்கத்தில் உள்ள மால்டா நகரில் கணவன் மனைவி இருவருக்கு செருப்பு மாலை அணிவிக்கப்பட்டு ஊர்வலமாக அழைத்து செல்லப்பட்ட சம்பவம் சர்ச்சையாகியது.
ட்ரடிஷனல் உடையில் ரசிகர்களை கிறங்கடித்த சூர்யா பட நடிகை... லைக்குகளை குவிக்கும் புகைப்படங்கள் Manithan
