வெளுத்து வாங்கும் கனமழை - எந்தெந்த மாவட்டங்களில் பள்ளி கல்லூரிகளுக்கு விடுமுறை?
கனமழை காரணமாக தமிழ்நாட்டின் பல்வேறு மாவட்டங்களில் பள்ளி கல்லூரிகளுக்கு விடுமுறை அறிவிக்கப்பட்டுள்ளது.
ஃபெங்கல் புயல்
வங்கக்கடலில் உருவாகியுள்ள ஒரு புதிய காற்றழுத்த தாழ்வு மண்டலமானது நாளை புயலாக வலுபெற உள்ளது. இந்த புயலுக்கு ஃபெங்கல்( fengal ) என்று பெயரிடப்பட்டுள்ளது.
இதனால் தமிழ்நாட்டின் பல்வேறு மாவட்டங்களுக்கு ஆரஞ்சு அலெர்ட் விடுக்கப்பட்டுள்ளது. இந்நிலையில் இன்று காலை முதலே சென்னை உட்பட பல்வேறு பகுதிகளில் கனமழை பெய்து வருகிறது.
பள்ளி கல்லூரி விடுமுறை
கனமழை எச்சரிக்கையால் முன்னெச்சரிக்கை நடவடிக்கையாக நாளை(27.11.2024) சென்னை செங்கல்பட்டு மாவட்டங்களில் உள்ள பள்ளிகளுக்கு மட்டும் விடுமுறை அறிவிக்கப்பட்டுள்ளது.
காஞ்சிபுரம்,திருவள்ளூர், திருவாரூர், கடலூர், விழுப்புரம், தஞ்சாவூர், நாகப்பட்டினம், மயிலாடுதுறை ஆகிய மாவட்டங்களில் உள்ள பள்ளி மற்றும் கல்லூரிகளுக்கு விடுமுறை அறிவிக்கப்பட்டுள்ளது.
மேலும், கடலூர் சிதம்பரம் அண்ணமலை பல்கலைக்கழகம், திருச்சி பாரதிதாசன் பல்கலைக்கழகத்தில் நாளை நடைபெற இருந்த தேர்வுகள் ஒத்திவைக்கப்பட்டுள்ளன.
