4 மாநில தேர்தல் முடிவுகள்..?சரிகிறதா இந்தியா கூட்டணி - முந்தும் பாஜக..?

வெளியான 4 மாநில தேர்தல் முடிவுகளில் 3-இல் ஆட்சியை பிடித்துள்ளது பாஜக.

4 மாநில தேர்தல் முடிவுகள்

ராஜஸ்தான், சட்டிஸ்கர், மத்திய பிரதேசம் என 3 மாநிலங்களில் ஆட்சியை பிடித்துள்ள பாஜக நாடாளுமன்ற தேர்தலுக்கான மிக பெரிய உத்வேகத்தை பெற்றுள்ளது என்றே கூறலாம்.

10 ஆண்டுகள் மத்திய ஆட்சியை நிறைவு செய்து தற்போது அடுத்த 5 ஆண்டிற்கான டார்கெட்டை சரியாக குறிபார்த்துள்ள பாஜக, இனி தேர்தல் பணிகளில் மேலும் தீவிரம் காட்டும் என்பதில் சந்தேகமில்லை.

நெருக்கடிக்குள்ளாகும் இந்தியா கூட்டணி

அதே நேரத்தில் மறுமுனையில், இந்தியா அரசியலில் பெரும் சக்தியாக எழுச்சி பெரும் என நம்பப்படும் இந்தியா கூட்டணி தற்போது சற்று பின் தங்கியிருக்கின்றது.

5 மாநில தேர்தல் எதிரொலி..!! திடீரென டெல்லி செல்லும் முதலமைச்சர் முக ஸ்டாலின்..?

தெலுங்கானாவில் ஆட்சியை பிடித்தாலும், ஆட்சியில் இருந்த சட்டிஸ்கர் ராஜஸ்தான் ஆகிய மாநிலங்களை பாஜகவிடம் இழந்துள்ள காங்கிரஸ் பெரும் நெருக்கடியை இனி எதிர்கொள்ளும்.

இந்த சட்டமன்ற தேர்தல் கூட்டணி ஒற்றுமைக்கு பெரும் முக்கியமானதாக பார்க்கப்பட நிலையில், தற்போது சற்று பின்தங்கியிருக்கின்றது இந்தியா கூட்டணி. இதற்கிடையில் தான் டெல்லியில் வரும் 6-ஆம் தேதி இந்தியா கூட்டணியின் அடுத்த கூட்டம் நடைபெறவுள்ளது குறிப்பிடதக்கது.