அரசு மருத்துவமனை ஆப்ரேஷன் தியேட்டரில் திருமண போட்டோஷூட் - எல்லை மீறிய மருத்துவர்!
அரசு மருத்துவமனை ஆப்ரேஷன் தியேட்டரில், மருத்துவர் ஒருவர் திருமண போட்டோஷூட் நடத்திய சம்பவம் பெரும் அதிர்வலைகளை ஏற்படுத்தியுள்ளது.
போட்டோ ஷூட்
கர்நாடகா மாநிலம் சித்ரதுர்காவின் பரமசாகரில் அரசு மருத்துவமனை ஒன்று உள்ளது. இங்கு அறுவை சிகிச்சை நிபுணராக பணியாற்றி வருபவர் அபிஷேக் (30).

இவருக்கு திருமண ஏற்பாடு செய்யப்பட்டுள்ள நிலையில், ப்ரீ-வெட்டிங் போட்டோ ஷூட் எடுக்க முடிவு செய்துள்ளார். இதற்காக அவர் பணிபுரியும் அரசு மருத்துவமனை ஆப்ரேஷன் தியேட்டரிலேயே போட்டோ ஷூட் நடத்தியுள்ளனர்.
சஸ்பெண்ட்
அதில், ஒருவரை படுக்கையில் படுக்க வைத்து, அபிஷேக் அறுவை சிகிச்சை செய்வது போலவும், வருங்கால மனைவி மருத்துவ உபகரணங்கள் எடுத்து கொடுப்பது போலவும் போட்டோஷூட் நடத்தியுள்ளனர்.

இது தொடர்பான வீடியோ சமூக வலைத்தளங்களில் வைரலானது. இதனை பார்த்தவர்கள், அபிஷேக் மருத்துவ தொழிலை கொச்சைப்படுத்தியதாகவும், அரசு மருத்துவமனையை தவறாக பயன்படுத்தியதாகவும் கடும் எதிர்ப்பு தெரிவித்தனர். இதனையடுத்து அவரை சஸ்பெண்ட் செய்து சித்ரதுர்கா மாவட்ட ஆட்சியர் வெங்கடேஷ் நேற்று உத்தரவிட்டார்.
வெளிநாடொன்றில் பதிவான பயங்கர துப்பாக்கி சூடு...! சுமார் 17 பேர் பலி - அதிகரிக்கும் பதற்றம் IBC Tamil
எலும்புக் கூடுகளுக்கு பின்னால் இருக்கும் உண்மை தெரியவேண்டும்:காணாமல் ஆக்கப்பட்டோரின் உறவுகள் IBC Tamil