கோடீஸ்வரரை துரத்தி தாக்கிய தெரு நாய்கள் - தொழிலதிபர் பராக் தேசாய் மரணம்!
தொழிலதிபர் பராக் தேசாய் நாய்கடியால் உயிரிழந்தது அதிர்ச்சியை ஏற்படுத்தியுள்ளது.
கோடீஸ்வரர்
பிரபலமான வாஹ் பக்ரி தேயிலை குழுமத்தின் நிர்வாக இயக்குனர் பராக் தேசாய். 49 வயதான அவருக்கு விதிஷா என்ற மனைவியும், பரிஷா என்ற மகளும் உள்ளனர். இவரை கடந்த 15-ம் தேதி தெரு நாய்க்கள் தாக்க வந்தது, அதனிடம் இருந்து தப்பிக்க முயன்றபோது, அவரது வீட்டிற்கு வெளியே விழுந்து அவரது மூளையில் ரத்தக்கசிவு ஏற்பட்டது.
கீழே விழுந்துகிடந்த அவரை பார்த்த மக்கள் அவரது வீட்டிற்கு தொடர்பு கொண்டு தகவல் தெரிவித்தனர். அவரது குடும்பத்தினர் உடனடியாக வந்து அவரை மீட்டு அருகிலுள்ள ஷெல்பி மருத்துவமனையில் அனுமதித்தனர்.
மரணம்
இந்நிலையில், அறுவை சிகிச்சைக்காக Zydus மருத்துவமனைக்கு மாற்றப்பட்டார், அங்கு 7 நாட்களாக வெண்டிலேட்டரில் தீவிர சிகிச்சை பெற்று வந்த இவர் சிகிச்சை பலனின்றி அவர் உயிரிழந்துள்ளார். அவரது இறுதிச் சடங்குகள் இன்று காலை 9 மணியளவில் தல்தேஜ் சுடுகாட்டில் நடைபெற்றதாக தெரிவிக்கப்பட்டுள்ளது.
I have raised the issue of #StrayDogs ad nauseam! We immediately need a national task force to deal with this scientifically & ethically @PMOIndia https://t.co/Y27LhFqYnL
— Karti P Chidambaram (@KartiPC) October 23, 2023
தெரு நாய்கள் தாக்கியதில் தொழிலதிபர் உயிரிழந்துள்ளது அதிர்ச்சியை ஏற்படுத்தியுள்ளது. சிவகங்கை எம்பி கார்த்தி சிதம்பரம், இதனை அறிவியல் ரீதியாகவும் நெறிமுறை ரீதியாகவும் கையாள்வதற்கு உடனடியாக ஒரு தேசிய பணிக்குழு தேவை எனவும் வலியுறுத்தியுள்ளார்.
