கழுகுகள் குறைவு; அதனால் அதிகரிக்கும் மனித உயிரிழப்பு - என்ன காரணம்?

கழுகுகளின் எண்ணிக்கை குறைவு குறித்த அதிர்ச்சி அறிக்கை ஒன்று வெளியாகியுள்ளது.

கழுகுகள் எண்ணிக்கை

உலகம் முழுவதும் ஏராளமான கழுகுகள் இருந்தாலும் அவற்றின் எண்ணிக்கை ஆண்டுக்கு ஆண்டு குறைந்து வருகிறது. அதிகபட்சமாக கழுகுகளில் 23 இனங்கள் உள்ளன.

இவற்றில் 16 வகைகள் ஆசியாவை சேர்ந்தவை. ஆய்வின்படி உலகம் முழுவதும் சுமார் 5 கோடி கழுகுகள் இருந்தது. சில ஆண்டுகளில் அதன் எண்ணிக்கை மிகவும் குறைந்துவிட்டது. இதனால் கழுகுகள் வேட்டையாடக் கூடியதும், மனிதர்கள் மத்தியில் பாக்டீரியா மற்றும் தொற்று நோய்களை ஏற்படுத்தக்கூடிய ஆபத்தான விலங்குகளின் எண்ணிக்கை அதிகரித்துள்ளது.

கண்களில் வழியும் ரத்தம்; பரவும் ப்ளீடிங் ஐ வைரஸ் - பகீர் கிளப்பும் பாதிப்பு!

 ஆய்வு அறிக்கை

எனவே, கடந்த ஐந்து ஆண்டுகளில் சுமார் 5 லட்சம் பேர் உயிரிழந்திருப்பதாக அமெரிக்கன் எக்கனாமிக் அசோசியேஷன் என்ற பத்திரிக்கை தகவல் தெரிவித்துள்ளது. ஏனென்றால், தொற்று நோய்க்கு வழி வகுக்கும் எலி, சில பறவைகள் மற்றும் மனித உயிர்களை கொல்லக்கூடிய பாம்புகள் உள்ளிட்டவற்றை கழுகுகள் வேட்டையாடுகின்றன.

தற்போது கழுகினுடைய எண்ணிக்கை குறைவது, தொற்று நோய் அதிகரித்து மக்கள் உயிரிழப்புகளுக்கு காரணமாக அமைகிறது. மேலும், 5 ஆண்டுகளில் கழுகுகள் எண்ணிக்கை குறைவால் 69 பில்லியன் அமெரிக்க டாலர் அளவுக்கு பொருளாதார இழப்பு ஏற்பட்டிருப்பதாக ஆய்வுகள் தெரிவித்துள்ளது குறிப்பிடத்தக்கது.