விஜய் அரசியல் வருகை..கேள்விக்கு நடிகர் விமல் சொன்ன பதில் - கொந்தளித்த ரசிகர்கள்!
Swetha
in பிரபலங்கள்
விஜயின் அரசியல் வருகை குறித்து விமல் சொன்ன பதிலுக்கு ரசிகர்ளை கொந்தளிக்க வைத்துள்ளது.
விஜய் அரசியல்
நடிகர் விஜய் தமிழக வெற்றிக் கழகம் என்ற பெயரில் கட்சி தொடங்கி உள்ளார். வருகின்ற 2026ம் சட்டமன்ற தேர்தலை எதிர்கொள்ள விஜய் தயாராகி வருகிறார். இதனிடையே, நடிகர் விமல் தூத்துக்குடி மாவட்டம் திருச்செந்தூர் கோவிலில் சாமி தரிசனம் செய்தார்.
தமிழ் சினிமாவில் சில காலங்களாக விமலின் புதிய திரைப்படங்கள் எதுவும் வெளிவரவில்லை. தற்போது அவர் போகுமிடம் வெகு தூரம் இல்லை, தேசிங்குராஜா 2 உள்ளிட்ட படங்களில் நடித்து வருகிறார். இதில் ‛ போகுமிடம் வெகு தூரம் இல்லை' எனும் படத்தின் படப்படிப்பும் முடிந்து போஸ்ட் புரொடக்சன் பணிகள் நடந்து வருகிறது.
நடிகர் விமல்
இந்நிலையில் தான் திருச்செந்தூர் கோவிலில் சாமி தரிசனம் செய்தார். தரிசனத்தை முடித்து வெளியே வந்த விமலிடம் ரசிகர்கள் செல்ஃபி எடுத்து கொண்டனர். அதன்பிறகு நடிகர் விமல் பத்திரிகையாளர்களின் கேள்விகளுக்கு பதிலளித்தார். அப்போது அவரிடம், நடிகர் விஜய் அரசியலுக்கு வந்திருக்கிறார்.
அதை எப்படி பார்க்கிறீர்கள் என்று கேள்வி எழுப்பப்பட்டது. அதனை கேட்டவுடன் சிரித்த நடிகர் விமல், ‛‛தெரியலைங்க'' என பதிலளித்துவிட்டு சென்றார். இதுதொடர்பான வீடியோ தற்போது இணையதளங்களில் வெளியாகி வேகமாக பரவி வருகிறது.
நடிகர் விஜய் அரசியல் கட்சி தொடங்கி இருப்பதை அறியாமல் நடிகர் விமல் மாற்று கிரகத்தில் இருக்கிறாரா? என்று விஜய் ரசிகர்கள் அவரை விமர்சனம் செய்து வருகின்றனர்.
