2026-ல கப்பு முக்கியம் பிகிலே!! கழுகு கதை முதல் அஜித் வரை!! விஜய்யின் முழு பேச்சு!!
Karthick
in பிரபலங்கள்
நேற்று நடைபெற்ற லியோ வெற்றி விழா மேடையில் நடிகர் விஜய் பல்வேறு கருத்துக்களை கூறி ரசிகர்களை குஷிப்படுத்தினார்.
லியோ வெற்றி விழா
கடந்த மாதம் 19-ஆம் தேதி வெளியான விஜய் - லோகேஷ் கனகராஜின் லியோ படம் கலவையான விமர்சனங்களை பெற்றாலும், பாக்ஸ் ஆபிஸ்'சில் நல்ல வசூலை பெற்றது. வெளியான 12 நாட்களில் படம் 540 கோடிகளுக்கும் மேல் வசூல் செய்துள்ளதாக தயாரிப்பு நிறுவனம் அறிவித்துள்ள நிலையில், நேற்று சென்னை நேரு உள்விளையாட்டு அரங்கில் படத்தின் வெற்றி விழா நிகழ்ச்சி நடைபெற்றது.
படத்தின் அனைத்து நட்சத்திரங்கள் மற்றும் டெக்னிசியன்கள் கலந்து கொண்ட இந்நிகழ்ச்சியில் நடிகர் விஜய் பல்வேறு கருத்துக்களை கூறி ரசிகர்களை குஷிப்படுத்தினார். அவர் மேடையில் பேசும் போது, “எந்த எதிர்பார்ப்பும் இல்லாம கொடுக்குற அன்புக்கு நான் என்ன செய்யப் போறேன் என்ற அவர், உங்க உடம்புக்கு என் தோல்'ல செருப்பாக தச்சு போட்டா கூட ஈடாகாது என்றும் கூறினார்.
தொடர்ந்து பேசிய அவர், கொஞ்ச நாளா சோசியல் மீடியால பாக்கறேன்...இந்த கோவம்'லா அதிகமா இருக்கே, ஏன் யார் மனசையும் புண்படுத்த வேண்டாம் என்று கேட்டுக்கொண்டார். நமக்கு நிறைய வேலைகள் இருக்கு என்று அரசியல் குறித்து ஹிண்ட் கொடுத்த விஜய், வீட்டுல அப்பா அடிக்கிற புள்ள என்ன பண்ணும்...அது மாதிரி நினைச்சு விட்ருங்க என்றும் ரசிகர்களை கேட்டுக்கொண்டார்.
தளபதி'னா யாரு...?
பல காலமாக நீடித்து வந்த சூப்பர்ஸ்டார் சர்ச்சைக்கு பதிலளித்த அவர், புரட்சி தலைவர் ஒருத்தர்தான், நடிகர் திலகம், புரட்சி கலைஞர் விஜய்காந்த்,உலக நாயகன் ஒருத்தர்தான், சூப்பர் ஸ்டார் ஒருத்தர்தான், அதேபோல தல ஒருத்தர்தான். தளபதி க்கு அர்த்தம் தெரியுமா? நீங்க மன்னர்கள் நீங்க ஆணையிடுற விஷயங்களை நான் செய்யிற தளபதி என்று கூறி ரசிகர்களை குதூகலப்படுத்தினார்.
மேலும், காந்தி சொல்ற மாதிரி தான் "non violence is powerful than violence" என்றார். லோகேஷ் உங்கள் கட்சியில் இணைந்தால் என்ன பதவி கொடுபீர்கள் என்று கேள்வி கேட்கப்பட்ட போது, போதை பொருள் ஒழிப்பு துறை கொடுப்பேன் என விஜய் சட்டென பதில் அளித்தார்.
தொடர்ந்து கல்வி அனைவருக்கும் சரி சமமாக கிடைக்கனும், மக்கள் பிடிச்சா தட்டி கொடுப்பார்கள் பிடிக்காவிட்டால் தட்டி விடுவார்கள் என்ற அவர், 2026 பற்றிய கேட்கப்பட்ட போது, 2025 க்கு பிறகு 2026 என்று சொல்லுவேன், சீரியஸா சொல்லனும்னா 2026 ல புட்பால் மேட்ச் இருக்குனு சொல்லுவேன், இன்னும் சீரியஸா சொல்லனுமான கப்பு முக்கியம் பிகிலு கூறினார்.
