‘கலகமில்லா ஒற்றை தலைமையே ...’ - விஜய் பிறந்தநாளுக்கு போஸ்டர் ஒட்டி அதிமுகவை வம்புக்கு இழுக்கும் ரசிகர்கள்

விஜய் பிறந்தநாள்

இன்று தளபதி விஜய்யின் 48வது பிறந்த நாளை ரசிகர் ஆர்வத்துடனும், உற்சாகத்துடன் கொண்டாடி வருகிறார்கள். பல்வேறு சினிமாத்துறையினர் நடிகர் விஜய்க்கு தங்களது வாழ்த்துக்களை தெரிவித்து வருகின்றனர்.

தற்போது சமூக ஊடங்களில் அவரது பிறந்தநாள் ஹேஷ்டேக் ட்ரெண்ட் ஆகிறது. தமிழ்நாட்டில் மட்டுமின்றி மற்ற மாநிலங்களிலும் விஜய்யின் ரசிகர்கள் தாங்களாகவே உருவாக்கிய போஸ்டர்களை வெளியிட்டு வருகின்றனர்.

ஒற்றைத் தலைமை போஸ்டர் ஒட்டிய ரசிகர்கள்

இந்நிலையில், விஜய்-க்கு அவரது ரசிகர்கள் பிறந்தநாள் வாழ்த்து தெரிவித்து தமிழகத்தில் ஆங்காங்கு போஸ்டர் ஒட்டியுள்ளனர். அதில், மதுரை மாவட்ட மதுரை மாவட்ட விஜய் மக்கள் இயக்க நிர்வாகிகள் அடித்துள்ள போஸ்டர் இணையத்தில் வைரலாகி, பரபரப்பை ஏற்படுத்தியுள்ளது.

அதிமுக பொதுக்குழு கூட்டம் ஒரு வார காலமாக நடைபெற்று வருகிறது. அதிமுக ஒற்றைத் தலைமை விவகாரம் தமிழக அரசியலில் பரபரப்பை ஏற்படுத்தியுள்ளது. அதனை குறிப்பிடும் விதமாக மதுரை மாவட்ட ரசிகர்கள் போஸ்டர் அடித்திருக்கிறார்கள்.

அந்த போஸ்டரில், ‘கலகமில்லா எங்களின் ஒற்றை தலைமையே....’ என்ற வாசகம் இடம்பெற்றிருக்கிறது.

மதுரை மாவட்ட ரசிகர்கள், நடிகர் விஜய்-ஐ, முதலமைச்சர், அண்ணா, எம்ஜிஆர் போல பல விதமாக அரசியல் நோக்குடன் போஸ்டர் அடித்து அவரை எப்போதும் அரசியலுடன் நெருக்கமாக வைத்து வருகிறார்கள். அதேபோல், இந்த போஸ்டரையும் அடித்து தமிழகம் முழுவதும் ஒட்டி பரபரப்பை ஏற்படுத்தியுள்ளனர்.