டிவி சேனல் தொடங்குகிறாரா தவெக தலைவர் விஜய்? பெயர் என்ன தெரியுமா?

 தவெக தலைவர் விஜய் புதிதாக டிவி சேனல் தொடங்க ஆலோசித்து வருவதாக தகவல் வெளியாகியுள்ளது.

விஜய்

தமிழக வெற்றிக்கழகத்தின் முதல் அரசியல் மாநாடு விழுப்புரம் மாவட்டம் விக்கிரவாண்டியில் நடைபெற்றது. இதில் லட்சக்கணக்கான தொண்டர்கள் கலந்து கொண்டனர்.

மாநாட்டில் விஜய்யின் பேச்சு தமிழக அரசியல் வட்டாரத்தில் பெரும் அதிர்வலையை ஏற்படுத்தியது. மாநாட்டை தொடர்ந்து, 2026 சட்டமன்ற தேர்தலை எதிர்கொள்வதற்கான வியூகங்களை விஜய் வகுத்து வருகிறார். 

தமிழ்நாடு முழுவதும் சுற்றுப்பயணம் செல்லும் விஜய்? நாளை அவசர ஆலோசனை

டிவி சேனல்

இதன்படி இன்று தவெக தலைமை அலுவலகத்தில் மாவட்ட நிர்வாகிகளுடன் ஆலோசனையில் ஈடுபட்டு வருகிறார். மாவட்டம் முதல் ஒன்றியம், கிளை வரை பொறுப்பாளர்களை நியமித்து கட்சி கட்டமைப்பை வலுப்படுத்துவது, மாநிலம் முழுவதும் சுற்றுப்பயணம் மேற்கொள்வது என தீவிர அரசியலில் ஆர்வம் காட்டி வருகிறார். 

இதனையடுத்து கட்சிக்கு தனியாக டிவி சேனல் ஒன்றை தொடங்க ஆலோசித்து வருவதாக தகவல் வெளியாகியுள்ளது. இந்த சேனலில், கட்சியின் கொள்கைகள், கட்சி தொடர்பான செய்திகள் உடனுக்குடன் உள்ளபடியே ஒளிபரப்பாகும் என்று கூறப்படுகிறது.

பெரும்பலான அரசியல் கட்சிகள் தங்கள் கட்சி தொடர்பான செய்திகளை மக்களிடம் கொண்டு சேர்க்க செய்தி சேனலை நடத்தி வருகின்றன. இந்நிலையில் விஜய் தொடங்க உள்ள சேனலுக்கு வாகை டிவி, தமிழ் ஒலி ஆகிய பெயர்கள் பரிசீலனையில் உள்ளதாக கூறப்படுகிறது.