தந்தையுடன் இணைந்த விஜய்; வைரல் ஃபோட்டோ - மகிழ்ச்சியில் ரசிகர்கள்!

நடிகர் விஜய் பல மாதங்களுக்கு பிறகு தனது தாய் தந்தையை சந்தித்து பேசியுள்ளார்.

நடிகர் விஜய்

தமிழ் சினிமாவின் முன்னணி நடிகரான விஜய் 2 பிப்ரவரி 2024 தமிழக வெற்றிக் கழகம் என்ற அரசியல் கட்சியை தொடங்கினார். இக்கட்சி தொடங்கிய 3 நாட்களில் 50 லட்சம் பேர் கட்சியில் இணைந்ததாக அதிகாரபூர்வமாக அறிவித்தனர்.

வெங்கட் பிரபு இயக்கத்தில் தனது 68வது படமான GOAT படத்தில் நடித்து வரும் நிலையில், மேலும் ஒரு படத்தை நடித்து விட்டு முழு நேரமாக அரசியலில் ஈடுபட உள்ளதாக அறிவித்துள்ளார்.

நடிகர் விஜய் கட்சி ஆரம்பித்தது குறித்த கேள்வி - நடிகர் ஜெயம் ரவி அளித்த பதில் இதுதான்!

வைரல் க்ளிக்

இதற்கிடையில், சில வருடங்களாகவே விஜய்க்கும் அவரது தந்தை எஸ்.ஏ.சிகும் இடையே சுமூகமான உறவு இல்லாமல் இருந்தது. இருவரும் தனியாகவே வசித்து வந்தனர். அவ்வப்போது இவர்கள் சந்திக்கும் புகைப்படம் வெளியாகி சமூக வலைத்தளத்தில் வைரலாவது வழக்கம்.

இந்நிலையில், அடுத்த மாதம் தனது 50வது பிறந்தநாளைக் கொண்டாடவுள்ள நிலையில், விஜய் இன்று (27.05.2024) தனது தாய் சோபா சந்திரசேகர், தந்தை எஸ்.ஏ.சந்திரசேகர் ஆகியோருடன் எடுத்துக்கொண்ட புகைப்படத்தை எக்ஸ் தளத்தில் எஸ்.ஏ.சி வெளியிட்டுள்ளார். இப்புகைப்படம் தற்பொழுது சமூகவலைத்தளத்தில் வைரலாகி வருகிறது.