"மாவீரனில்" தளபதி விஜய்? மிஷ்கின் சொன்ன சுவாரஸ்ய தகவல் !

மாவீரன் தளபதி விஜய் குறித்து மிஸ்கின் பேசியதால் அவரவரின் ரசிகர்கள் உற்சாகத்தில் கத்தி கூச்சலிட்டனர்.

மடோன் அஷ்வின் இயக்கத்தில் மாவீரன் 

இயக்குநர் மடோன் அஷ்வின் இயக்கத்தில் 2021-ல் வெளிவந்த "மண்டேலா" படம் மாபெறும் வெற்றி பெற்றது. இதையடுத்து தற்போது நடிகர் "சிவகார்த்திகேயனை" வைத்து "மாவீரன்" என்ற படத்தை இயக்குகிறார்.

இந்த படத்தில் சிவகார்த்திகேயனுக்கு ஜோடியாக "அதிதி ஷங்கர்" நடிக்கிறார். மேலும் யோகி பாபு, சரிதா, Cooku with Comali மோனிஷா என பலர் இந்த படத்தில் நடித்துள்ளனர்.

வில்லன் கதாபாத்திரத்தில் ஒரு அரசியல்வாதியாக இயக்குனர் மிஷ்கின் நடித்திருக்கிறார். இப்படத்தின் டிரைலர் வெளியாகி பாசிட்டிவ் கமெண்டுகளை பெற்று வருகிறது.

இந்நிலையில் இந்த படத்தின் Pre Release Event நேற்று பிரம்மாண்டமாக நடைபெற்றது , அதில் மிஷ்கின் "தளபதி விஜய்" குறித்து பேசியது ரசிகர்களிடம் பெரும் வரவேற்பை பெற்று வருகிறது. 

விஜய்யை புகழ்ந்து பேசிய மிஷ்கின் 

அப்போது இயக்குநர் மிஷ்கினை மேடையில் பேச அழைத்தனர். மேடை ஏறி மாவீரன் படத்தை பற்றி பேசிய மிஷ்கின் "லியோ" திரைப்படம் குறித்தும் பேசினார்.

அதில் " லியோ-னா சிங்கம் பா" என்றதும் ரசிகர்கள் உற்ச்சாகமடைந்தனர். தொடர்ந்து பேசிய மிஷ்கின் "விஜய் ஒரு சிங்கம் தான்" என்றும் அவர் ஒரு குழந்தை என்றும் கூறினார்.

23 வருடங்களுக்கு முன்பு நான் "யூத்" படத்தில் வேலை செய்தபோது எப்படி "விஜய்" என்னிடம் பேசினாரோ, பழகினாரோ, அதேபோல் இன்றும் என்னிடம் அன்பாக பழகுகிறார் என்று விஜய்-யை புகழ்ந்து தள்ளினார்.

இதைக்கேட்ட ரசிகர்கள் உற்ச்சாகத்தில் கூச்சலிட்டனர் . இது குறித்த வீடியோ இப்போது சமூக வலைத்தளங்களில் வேகமாக பரவி வருகிறது.   

 "மாவீரன்" திரைப்படம் வரும் ஜூலை 14 அன்று திரையரங்குகளில் வெளிவர இருக்கிறது என்பது குறிப்பிடத்தக்கது.