GOAT படத்தில் தோனியா? சீக்ரெட்டை உடைத்த வெங்கட் பிரபு

GOAT படன் குறித்த சுவாரஸ்ய தகவலை இயக்குநர் வெங்கட் பிரபு பகிர்ந்துள்ளார்.

GOAT படம்

நடிகர் விஜய் நடித்துள்ள GOAT படம் செப்டம்பர் 5 ஆம் தேதி உலகம் முழுவதும் திரைக்கு வர உள்ளது. வெங்கட் பிரபு இயக்கத்தில் யுவன் சங்கர் இசையமைத்துள்ள இந்த படத்தில், சினேகா பிரசாந்த், மோகன், பிரபு தேவா உள்ளிட்ட பலர் நடித்துள்ளனர். AGS நிறுவனம் இந்த படத்தை தயாரிக்கிறது.

இசை வெளியீட்டு விழா நடைபெறாத நிலையில் படத்திற்கான ப்ரோமோஷனில் தயாரிப்பாளர் அர்ச்சனா கல்பாத்தி, இயக்குநர் வெங்கட் பிரபு ஆகியோர் முழு மூச்சாக இறங்கி உள்ளனர். 

GOAT படத்தில் யாரும் எதிர்பார்க்காத விஜய்யின் அரசியல் - பிரேம்ஜி பகிர்ந்த சீக்ரெட்

தோனி

ஏற்கனவே இப்படத்தில் மறைந்த நடிகர் விஜய்காந்தை AI மூலமாக உருவாக்கி இருப்பதாக படக்குழு உறுதிப்படுத்தி உள்ளது. தற்போது படத்தில் தோனி கேமியோ ரோலில் நடித்துள்ளார் என தகவல் வெளியாகியுள்ளது. 

இது குறித்து பேசிய இயக்குநர் வெங்கட் பிரபு, "படத்தில் தோனியை நடிக்க வைக்க வேண்டும் என்ற ஐடியா இருந்தது. நாங்கள் பிளான் செய்த போதே விஷயம் வெளியே கசிந்து விட்டது. படத்தில் சென்னை மற்றும் மும்பை இடையிலான ஐ.பி.எல் கிரிக்கேட் போட்டிக் காட்சிகள் உள்ளது. அதில் கிரிக்கெட் வீரர்கள் வருவார்கள். மற்றபடி தோனியை படத்தில் நடிக்க வைக்கவில்லை" என தெரிவித்துள்ளார்.