நிமிசத்துக்கு ரூ.1 கோடி? லெஜெண்ட் நடிகையின் பதிலால் ஆடிப்போன ரசிகர்கள்!
Sumathi
in பிரபலங்கள்
நடிகை ஊர்வசி ரவுதெலா சம்பளம் குறித்து கூறிய தகவல் ரசிகர்களை வியப்படையச் செய்துள்ளது.
ஊர்வசி ரவுதெலா
பாலிவுட் திரையுலகில் இளம் நடிகையாக வலம் வருபவர் நடிகை ஊர்வசி ரவுதெலா. தமிழில் சரவணன் அருள் நடித்த ‘தி லெஜண்ட்’ படத்தில் ஹீரோயினாக நடித்திருந்தார்.
தெலுங்கு, கன்னடம், பெங்காலி உள்ளிட்ட மொழி திரைப்படங்களிலும் நடித்து பிரபலமானவர். இந்நிலையில், செய்தியாளர் ஒருவர் இவரிடம் இந்தியாவில் அதிகம் சம்பளம் வாங்கும் நடிகையாக இருக்கிறீர்கள்.
சர்ச்சையான சம்பளம்
ஒரு நிமிடத்துக்கு ஒரு கோடி ரூபாய் சம்பளம் வாங்கும் நடிகையாக எப்படி உயர்ந்தீர்கள்? என்று கேள்வி கேட்டிருந்தார். இதற்கு பதிலளித்த ஊர்வசி, இது நல்ல விஷயம்.
ஒவ்வொரு நடிகர், நடிகையரும் இப்படிப்பட்ட ஒரு நாளைக் காணத் தான் ஆசைப்படுவார்கள் என்று தெரிவித்திருந்தார். இந்த வீடியோ இணையத்தில் வைரலான நிலையில், அவரின் பதிலின்படி ஒரு மணி நேரத்தில் ரூ.60 கோடி சம்பாதிக்கிறார்.
இது எப்படி சாத்தியம்? பொய் சொல்வதற்கு அளவில்லையா? என்று அவரை நெட்டிசன்கள் கடுமையாக விமர்சித்து வருகின்றனர்.
முன்னதாக ஊர்வசி ரவுதெலா மும்பை ஜூஹு பகுதியில் ரூ.190 கோடிக்கு பிரமாண்ட சொகுசு பங்களா வாங்கி இருப்பதாக தகவல் வெளியாகியது குறிப்பிடத்தக்கது.
