உதயநிதிக்கு அமைச்சர் பதவி - விரைவில் அதிரடி மாற்றங்கள்!

உதயநிதிக்கு அமைச்சர் பதவி வழங்க பல திமுக அமைச்சர்கள் ஆர்வம் காட்டி வருகின்றனர்.

அமைச்சரவை 

தமிழக அமைச்சரவை விரைவில் மாற்றி அமைக்கப்பட இருப்பதாகவும், இளைஞர் அணி செயலாளர் உதயநிதிக்கு அமைச்சர் பதவியும் வழங்க இருப்பதாக தகவல் வெளியாகியுள்ளது. கூட்டுறவுத்துறை அமைச்சர் ஐ .பெரியசாமி சரிவர இயங்கவில்லை என நிதியமைச்சர் தியாகராஜன் கூறி சலசலப்பை ஏற்படுத்தினார்.

தொடர்ந்து, பால்வளத்துறை அமைச்சர் நாசர், சுற்றுலாத்துறை அமைச்சர் மதிவேந்தனிடம் உள்ள இலாகாக்களும் மாற்றப்பட வாய்ப்புகள் இருப்பதாக செய்திகள் பரவி வருகிறது. இந்நிலையில், உதயநிதி ஸ்டாலின் அமைச்சராக வேண்டுமென்ற கருத்துக்கு மாற்று கருத்து இல்லை.

வாய்ப்பு?

கடந்த காலங்களில் நடைபெற்ற அனைத்து தேர்தலின் வெற்றிகளும் உதயநிதியின் அணுகுமுறையால் கிடைத்து வெற்றி என அமைச்சர் நாசர் கருத்து தெரிவித்துள்ளார். மேலும், உதயநிதி ஸ்டாலினுக்கு அமைச்சராகும் அணைத்து தகுதியும் உள்ளது என தமிழக காங்கிரஸ் கமிட்டி தலைவர் கே.எஸ்.அழகிரி தெரிவித்துள்ளார்.

இதுகுறித்து முதலமைச்சர் மு.க.ஸ்டாலின் தான் முடிவெடுப்பார் எனவும் தெரிவிக்கப்பட்டுள்ளது.