’ஹாப்பி ஓல்ட் மேன்’ - வஞ்சம் வைத்து ட்ரம்ப்பை கலாய்த்த க்ரேட்டா தன்பர்க்

டொனால்ட் ட்ரம்ப் பதவிக்காலம் முடிந்து இன்றுடன் அதிகாரப்பூர்வமாக வெள்ளை மாளிகையிலிருந்து வெளியேறினார். ட்ரம்ப்பின் தோல்வியையும் ஜோ பைடனின் பதவியேற்பையும் பலரும் ஆவலுடன் எதிர்பார்த்து காத்திருந்தனர்.

ட்ரம்ப்பின் ஆட்சிக்காலத்தில் அவரால் வம்பிழுக்கப்பட்டவர்கள் ஏராளம். அதில் ஸ்வீடனைச் சேர்ந்த சூழலியல் செயற்பாட்டாளர் க்ரேட்டா தன்பர்க்கும் அடக்கம். க்ரேட்டாவை பலமுறை ட்விட்டரில் கலாய்த்து வம்பிழுத்திருக்கிறார் ட்ரம்ப். தற்போது அதற்கு வஞ்சம் வைத்து க்ரேட்டா பழி தீர்த்துள்ளார்.

க்ரேட்டா தன்னுடைய ட்விட்டரில், “ட்ரம்ப் மிகவும் ஒளிமயமான மற்றும் அற்புதமான எதிர்காலத்தை எதிர்நோக்கி மகிழ்வுடன் காத்திருக்கும் முதியவரைப் போல உள்ளார். பார்ப்பது மிகவும் நன்றாக உள்ளது” என்று பதிவிட்டுள்ளார்.

இந்தப் பதிவு இணையத்தில் வைரலாக பகிரப்பட்டு வருகிறது.