கிடுகிடுவென ஏறிய தக்காளி, சின்ன வெங்காயம் விலை - இன்றைய நிலவரம்?

 தமிழகத்தில் காய்கறிகள் விலை அதிகரித்து கொண்டே போகிறது, இன்றைய விலை குறித்த தகவல் வெளியாகியுள்ளது.

விலை உயர்வு

வெளி மாநிலங்களில் இருந்து காய்கறிகளின் வரத்து குறைந்ததால், தமிழகத்தில் கடந்த சில வாரமாகவே காய்கறிகள், மளிகை பொருட்கள் உள்ளிட்ட அத்தியாவசிய பொருட்களின் விலை தாறுமாறாக உயர்ந்து வருகிறது.

அதில் தக்காளி, சின்ன வெங்காயம், பீன்ஸ் உள்ளிட்ட காய்கறிகளின் விலை கடுமையாக உயர்ந்துள்ளது. ஒவ்வொரு நாளும் இவற்றின் விலை தொடர்ந்து ஏற்றம் கண்டு வருவதால் ஏழை, எளிய, நடுத்தர மக்கள் பெரிதும் பாதிப்படைந்துள்ளனர்.

இன்றைய நிலவரம்

இதனை தொடர்ந்து, இன்று மார்க்கெட்டில் ஒரு கிலோ தக்காளி மொத்த விற்பனையில் 95 ரூபாய்க்கும், சில்லறை விற்பனையில் 120 ரூபாய்க்கும் விற்பனை செய்யப்படுகிறது. நேற்று 320 ரூபாய்க்கு விற்பனை செய்யப்பட்ட இஞ்சியின் விலை ஒரே நாளில் 60 ரூபாய் குறைந்து இன்று 260 ரூபாய்க்கு விற்பனை செய்யப்படுகிறது.

அதேபோல் சின்ன வெங்காயம் நேற்று 150-க்கு விற்பரனை ஆன நிலையில் இன்று ரூ.10 குறைந்து 140-க்கு விற்கப்படுகிறது. ஒரு கிலோ பச்சை மிளகாய் 80 ரூபாய்க்கும், பீன்ஸ் 90 ரூபாய்க்கும், கேரட் 60 ரூபாய்க்கும் விற்பனை செய்யப்படுகிறது.