பள்ளி கல்லூரிகளுக்கு நாளை அரைநாள் விடுமுறை - தமிழக அரசு அறிவிப்பு

 பள்ளி கல்லூரிகளுக்கு நாளை அரைநாள் விடுமுறை அளித்து தமிழக அரசு உத்தரவிட்டுள்ளது.

தீபாவளி

இந்தியா முழுவதும் தீபாவளி பண்டிகை வெகு விமரிசையாக கொண்டாடப்படுகிறது. வெளியூரில் வேலை பார்ப்பவர்கள் சொந்த ஊருக்கு சென்று குடும்பத்துடன் பட்டாசு வெடித்து கொண்டாடுவர். 

இந்த ஆண்டு அக்டோபர் 31ஆம் தேதி வியாழக்கிழமை தீபாவளி பண்டிகை கொண்டாடப்பட உள்ளது. மறுநாள், வெள்ளிக்கிழமை வேலை நாளாக இருப்பதால் சொந்த ஊருக்கு செல்பவர்கள் அன்றைய தினம் இரவே கிளம்ப வேண்டிய நிலை உள்ளது. 

தீபாவளிக்கு மறுநாள் அரசு விடுமுறை - முதல்வர் ஸ்டாலின் அறிவிப்பு

அரை நாள் விடுமுறை

இதனை கருத்தில் கொண்டு தீபாவளிக்கு மறுநாள் வெள்ளிக்கிழமை (01.11.2024) தமிழ்நாடு முழுவதும் உள்ள அரசு அலுவலகங்கள், பொதுத்துறை நிறுவனங்கள், பள்ளி, கல்லூரிகளுக்கு விடுமுறை அளித்து தமிழக அரசு உத்தரவிட்டிருந்தது. 

தமிழ்நாட்டில் பள்ளிகள், கல்லூரிகள் மற்றும் கல்வி நிறுவனங்கள் நாளை (30.10.2024) முற்பகல் மட்டும் செயல்படும் பிற்பகல் அரைநாள் விடுமுறை - தமிழ்நாடு அரசு அறிவிப்பு#CMMKSTALIN | #DyCMUdhay | #TNDIPR |@CMOTamilnadu @mkstalin@mp_saminathan pic.twitter.com/E5cM3AExE0

— TN DIPR (@TNDIPRNEWS) October 29, 2024

இந்நிலையில் தற்போது தமிழ்நாட்டில் உள்ள பள்ளி, கல்லூரிகள் நாளை(30.10.2024) மதியம் வரை மட்டுமே இயங்கும் என்றும், மதியத்துக்கு மேல் விடுமுறை அளித்து தமிழக அரசு உத்தரவிட்டுள்ளது.