திருவண்ணாமலை கார்த்திகை தீப திருவிழாவுக்கு போறீங்களா ? அப்போ இதை பாருங்க!

திருவண்ணாமலை தீப திருவிழா முன்னிட்டு சிறப்பு ரயில்கள் இயக்கப்பட உள்ளதாக தென்னக ரயில்வே அறிவித்துள்ளது.

 தீப திருவிழா

திருவண்ணாமலை அருள்மிகு அருணாச்சலேசுவரர் சுவாமி திருக்கோயிலில் பௌர்ணமி கிரிவலம் வெள்ளிக்கிழமை (நவ.15) நடைபெறவுள்ளது. இதில் பங்கேற்கும் பக்தர்களின் வசதிக்காகவும் கூட்ட நெரிசலைத் தவிர்க்கும் வகையிலும் தெற்கு ரயில்வே சிறப்பு ரயில்களை இயக்கி வருகிறது. 

அந்த வகையில், விழுப்புரம் ரயில் நிலையத்திலிருந்து வெள்ளிக்கிழமை (நவ.15) காலை 9.15 மணிக்குப் புறப்படும் விழுப்புரம் - திருவண்ணாமலை சிறப்பு ரயில் (வ.எண்.06130) முற்பகல் 11 மணிக்கு திருவண்ணாமலை ரயில் நிலையத்தை சென்றடையும்.

திருவண்ணாமலையில் நிலச்சரிவா?எப்போ நடந்துச்சு..ஷாக்கில் ரஜினி கொடுத்த ரியாக்ஸன்!

எதிர்வழித்தடத்தில் திருவண்ணாமலையிலிருந்து வெள்ளிக்கிழமை பிற்பகல் 12.40 மணிக்குப் புறப்படும் திருவண்ணாமலை விழுப்புரம் சிறப்பு ரயில் (வ.எண்.06129) பிற்பகல் 2.15 மணிக்கு விழுப்புரம் ரயில் நிலையம் வந்தடையும். இதுபோன்று விழுப்புரம் ரயில் நிலையத்திலிருந்து வெள்ளிக்கிழமை இரவு 9.15 மணிக்குப் புறப்படும்.

சிறப்பு ரயில்கள் 

விழுப்புரம் - திருவண்ணாமலை மெழு ரயில் (வ.எண்.06131) இரவு 10.45 மணிக்கு திருவண்ணாமலை ரயில் நிலையம் சென்றடையும். எதிர்வழித்தடத்தில் திருவண்ணாமலை ரயில் நிலையத்திலிருந்து சனிக்கிழமை (நவ.16) அதிகாலை 3.30 மணிக்குப் புறப்படும் மெழு ரயில் (வ.எண்.06132) காலை 5 மணிக்கு விழுப்புரம் ரயில் நிலையத்துக்கு வந்தடையும்.

இந்த இரு ரயில்களும் வெங்கடேசபுரம், மாம்பழப்பட்டு, ஆயந்தூர், திருக்கோவிலூர், ஆதிச்சனூர், அண்டம்பள்ளம், தண்டரை ஆகிய ரயில் நிலையங்களில் நின்று செல்லும் என்று தெரிவிக்கப்பட்டுள்ளது.