2026 தேர்தலில் வேறு கூட்டணியா? திருமாவளவன் கொடுத்த விளக்கம்

 2026 சட்டமன்ற தேர்தல் கூட்டணி குறித்து திருமாவளவன் விளக்கமளித்துள்ளார்.

திருமாவளவன்

விடுதலை சிறுத்தைகள் கட்சி தலைவர் திருமாவளவன் திருச்சி விமான நிலையத்தில் செய்தியாளர்களை சந்தித்து பேசினார். 

அப்போது விஜயுடன் புத்தக வெளியீட்டு விழாவில் கலந்து கொள்கிறீர்களா என்ற கேள்விக்கு, "இந்த புத்தக வெளியீட்டு விழாவில் பங்கேற்க ஒரு ஆண்டுக்கு முன்பே வாக்குறுதி அளித்திருந்தேன். 

ஒரே மேடையில் விஜய் திருமாவளவன் - அரசியலில் அதிரடி திருப்பம்

2026 தேர்தல் கூட்டணி

இந்த விழாவிற்கு தமிழக முதல்வர் மு.க. ஸ்டாலின், ராகுல் காந்தி, ரஜினிகாந்த் உட்பட பல பிரபலங்களை அழைக்க திட்டமிட்டிருந்தனர். தற்போது விஜய்யும் அழைக்கப்பட்டுள்ளதாக தகவல் வெளியாகியுள்ளது. இப்போது உள்ள அரசியல் சூழலை கருத்தில் கொண்டு, முன்னணி பொறுப்பாளர்களை கலந்து பேசி முடிவு செய்வோம்" என கூறினார். 

மேலும், தற்போது தமிழகத்தில் திமுக கூட்டணியிலும், இந்திய அளவில் இந்தியா கூட்டணியிலும் தொடர்கிறோம். இந்த 2 கூட்டணியை உருவாக்கியதில் எங்களுக்கு முக்கிய பங்கு உண்டு. நாங்கள் உருவாக்கிய கூட்டணியை வலுப்படுத்தவே வேலை செய்வோம். கூட்டணியை சிதறிடிக்க வேண்டிய அவசியம் எங்களுக்கு இல்லை.

2026 சட்டமன்ற தேர்தலில் திமுக கூட்டணியிலே விடுதலை சிறுத்தைகள் தொடரும். கூட்டணி குறித்த கேள்வியை இனிமேல் கேட்க வேண்டும் என கூறினார். விசிக வேறு கூட்டணிக்கு செல்லும் என விவாதங்கள் எழுந்துள்ள நிலையில் திமுக கூட்டணியே தொடரும் என திருமாவளவன் உறுதிப்படுத்தியுள்ளார்.