சில நாட்களில் திருமணம், விபத்தில் கிக்கிய நடிகர் - ரசிகர்கள் அதிர்ச்சி!

பிரபல நடிகர் அடுத்த வாரம் திருமணம் ஆக இருக்கும் நிலையில் திடீரென அவர் சென்ற கார் விபத்திற்குள்ளானது.

நடிகர்

தெலுங்கு சினிமாவில் பல படங்கள் நடித்து பிரபலமாக உள்ள நடிகர் சர்வானந்த். இவர் தமிழில், எங்கேயும் எப்போதும் என்ற படத்தின் மூலம் அறிமுகமாகி ரசிகர்களை கவர்ந்துள்ளார்.

மேலும், இவர் நடிப்பில் வெளியான 'கணம்' படம் தமிழ் மற்றும் தெலுங்கில் வெளியான நிலையில் நல்ல வரவேற்பு பெற்றது.

இவருக்கு கடந்த மே மாதம் அவரது காதலி ரக்‌ஷிதா ரெட்டியுடன் நிச்சயதார்த்தம் நடைபெற்றது.

இவருக்கு வருகிற ஜூன் 3-ம் தேதி ராஜஸ்தான் தலைநகரான ஜெய்ப்பூரில் திருமணம் நடக்க திட்டமிட்டிருந்தது.

விபத்து

இந்நிலையில், ஹைதராபாத்தில் உள்ள ஃபிலிம் நகரில் இவர் ஓட்டிசென்ற கார் விபத்துக்குள்ளானது.

திருமணத்துக்கு சில நாட்களே இருந்த நிலையில் இந்த செய்தி அவரது குடும்பத்தினருக்கும் அவரது ரசிகர்களுக்கும் அதிர்ச்சி அளித்தது.

தொடர்ந்து கார் விபத்து குறித்து அவர் கூறுகையில், "எனது கார் விபத்து மிகவும் சிறிய சம்பவம். உங்கள் அனைவரின் அன்புடனும் ஆசீர்வாதத்துடனும் நான் வீட்டில் முற்றிலும் பாதுகாப்பாகவும் ஆரோக்கியமாகவும் இருக்கிறேன்.

கவலைப்பட ஒன்றுமில்லை. உங்கள் அக்கறைக்கு அனைவருக்கும் நன்றி" என்று கூறியுள்ளார்.