ஒரு மணி நேரம் முடங்கிய பேஸ்புக், இன்ஸ்டா - மார்க் இழந்தது எத்தனை கோடிகள் தெரியுமா?
Jiyath
in தொழில்நுட்பம்
பேஸ்புக், இன்ஸ்டா தளங்கள் நேற்று முடங்கியதால் அமெரிக்க பங்கு சந்தையில் மெட்டா பங்குகளின் சந்தை மதிப்பு குறைந்தது.
முடங்கிய தளங்கள்
உலகம் முழுவதும் ஃபேஸ்புக் மற்றும் இன்ஸ்டாகிராம் சமூக வலைதளங்களை கோடிக்கணக்கான மக்கள் பயன்படுத்தி வருகின்றனர். இந்த 3 நிறுவனங்களுமே மெட்டா நிறுவனத்தின் கீழ் செயல்பட்டு வருகிறது.
இவற்றை மார்க் ஜூக்கர்பர்க் நிர்வகித்து வருகிறார். இதனிடையே நேற்று உலகம் முழுவதும் பேஸ்புக் மற்றும் இன்ஸ்டாகிராம் வலைத்தளங்கள் ஒரு மணி நேரத்திற்கும் மேல் முடங்கியது.
சந்தை மதிப்பு இழப்பு
இதனால் அவற்றை பயன்படுத்தும் பயனர்கள் எந்த சேவைகளையும் பெற முடியாமல் தவித்தனர். இதனையடுத்து தொழில்நுட்ப கோளாறுகள் சரி செய்யப்பட்டு 2 தளங்களும் மீண்டும் செயல்பாட்டிற்கு வந்தன.
இந்நிலையில் அமெரிக்க பங்கு சந்தையில் மெட்டா பங்குகளின் சந்தை மதிப்பு இன்று 1.6 சதவீதம் குறைந்தது. இதனால் மெட்டா நிறுவன அதிபர் மார்க் ஜூக்கர்பர்க் $3 பில்லியன் (இந்திய மதிப்பில் ரூ.25,000 கோடி) சந்தை மதிப்பை இழந்துள்ளதாக கணக்கிடப்பட்டுள்ளது.
